ຄາດຕະກຳເມຍຍ້ອນດ່າວົງຕະກູນ

     ອີງຕາມບົດລາຍງານຂອງກອງບັນຊາການ ປກສ ເມືອງນອງ ແຂວງສະຫວັນນະເຂດ ໃນວັນທີ 6 ມັງກອນ 2017 ໃຫ້ຮູ້ວ່່າ: ໃນເວລາ 8:00 ໂມງ ຂອງວັນທີ 29 ຕຸລາ 2016 ທາງກອງບັນຊາການ ປກສ ເມືອງນອງ ໄດ້ຮັບການລາຍງານຈາກ ປກສ ກຸ່ມບ້ານທີ 3 ວ່າ: ມີເຫດການຄົນເສຍຊີວິດ

ຊຶ່ງສົງໄສວ່າຖືກຄາຕະກໍາຢູ່ໄຮ່ ທ້າວ ອ່າງ ອາຍຸ 28 ປີ ປະຊາຊົນບ້ານປະຈະຕຽນ ເມືອງນອງ, ຈາກນັ້ນ ທາງກອງບັນຊາ ການ ປກສ ເມືອງນອງ ຈິ່ງໄດ້ແຕ່ງຕັ້ງ ເຈົ້າໜ້າທີ່ວິຊາສະເພາະລົງສົມທົບກັບພາກສ່ວນທີ່ກ່ຽວຂ້ອງ ເພື່ອກວດກກາ ຊັນນະສູດສະຖານທີ່ເກີດເຫດຕົວຈິງຈິ່ງ ຮູ້ວ່າຜູ້ເສຍຊີວິດຊື່ນາງ ອາໂຍດ ອາຍຸ 25 ປີ ອາຊີບເຮັດໄຮ່ ຢູ່ບ້ານປະຈະຕຽນ ເມືອງນອງ, ຊື່ຜົວທ້າວ ອ່າງ (ຜູ້ຕ້ອງຫາ).

 ຜ່ານການຊັນລະສູດ ແລະເກັບກໍາຂໍ້ມູນຫຼັກຖານເບື້ອງຕົ້ນຈິ່ງຮູ້ວ່າ: ນາງ ອາໂຍດ (ຜູ້ເສຍຊີວິດ) ແມ່ນຕາຍຍ້ອນການຄາຕະກໍາບໍ່    ແມ່ນຜູກຄໍຕົນເອງຕາຍ, ສ່ວນເປົ້າໝາຍສົງໄສທີ່ລົງມືຄາຕະກໍາ ໃນຄັ້ງນີ້ແມ່ນທ້າວ ອ່າງ (ຜູ້ເປັນຜົວ ນາງ ອາໂຍດ). ຕົກມາຮອດວັນທີ 2 ພະຈິກ 2016 ທາງເຈົ້າໜ້າທີ່ ປກສ ເມືອງນອງ ຈິ່ງໄດ້ກັກຕົວ ທ້າວ ອ່າງ ມາດໍາເນີນການສືບສວນ-ສອບສວນ. ຊຶ່ງຜ່ານການສອບສ່ວນຜູ້ກ່ຽວແມ່ນ ໄດ້ໃຫ້ການປະຕິເສດໃນເບື້ອງຕົ້ນ. ຈົນມາຮອດວັນທີ 3 ມັງກອນ 2017 ທາງພະແນກສືບສວນ-ສອບສວນຫ້ອງ ຕໍາຫຼວດກອງບັນຊາການ ປກສ ແຂວງສະຫວັນນະເຂດ ຈິ່ງໄດ້ລົງສົມທົບກັບ ກອງບັນຊາການ ປກສ ເມືອງນອງ ເພື່ອຊັນນະສູດສະຖານທີ່ເກີດເຫດ ແລະເກັບກໍາຂໍ້ມູນຫຼັກຖານຄືນໃໝ່, ເຈົ້າໜ້າ ທີ່ຈິ່ງລົງຄໍາເຫັນວ່າ: ນາງ ອາໂຍດ ຖືກຄາຕະກໍາອໍາພາງຄະດີ; ຜ່ານການສືບ ສວນ-ສອບສວນ ທ້າວ ອ່າງ (ຜູ້ຖືກຫາ)ໃນຄັ້ງວັນທີ 4 ມັງກອນ 2017 ແມ່ນ ໄດ້ໃຫ້ການຮັບສາລະພາບວ່າ: ຜູ້ກ່ຽວແມ່ນໄດ້ລົງມືຄາຕະກໍາ ນາງ ອາໂຍດ ຜູ້ເປັນເມຍແທ້ ໂດຍວິທີໃຊ້ເຊືອກທີ່ອອງ ເປົ໋າເຂົ້າເປັນເຊືອກນີລົງສີຂຽວຮັດຄໍນາງ ອາໂຍດ ຈົນຂາດໃຈຕາຍ; ແລ້ວ ລາກແກ່ໄປມັັດໃສ່ງ່າໄມ້ຕາຍ (ໄມ້ດອກ) ຂະໜາດຂອງງ່າໄມ້ລວງຮອບແມ່ນ 8 ຊັງຕີແມັດ ເພື່ອອໍາພາງຄະດີ ເຮັດໃຫ້ຄ້າຍຄືກັບວ່ານາງ ອາໂຍດ ຜູກ ຄໍຕາຍເອງ.

   ວນສາເຫດທີ່ ທ້າວ ອ່າງ ລົງມືຄາຕະກໍາ ນາງ ອາໂຍດ ໃນຄັ້ງນີ້ແມ່ນຍ້ອນ ທັງສອງໄດ້ຜິດຖຽງກັນຢ່າງຮຸນແຮງ, ນາງ ອາໂຍດ ຜູ້ຕາຍແມ່ນໄດ້ປ້ອຍດ່າ ແລະສາບແຊ່ງເຖິງໂຄດເຊື້ອພໍ່ແມ່ທ້າວ ອ່າງຈິ່ງເກີດອາລົມຢາກຮ້າຍຍ້ອນຖືກ ກະທົບທາງດ້ານຈິດໃຈ ຈິ່ງຕັດສິນໃຈລົງມືກໍ່ເຫດຄືດັ່ງກ່າວ ແລະເຫັນວ່າການກະທໍາຂອງທ້າວ ອ່າງ ໃນຄັ້ງນີ້ແມ່ນ ເປັນການກະທໍາຜິດໂດຍເຈຕະນາ ແລະຈະໄດ້ມີການສົ່ງຕົວດໍາເນີນຄະດີຕາມກົດໝາຍຂອງບ້ານເມືອງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ