ຄົນ ອົດສະຕຣາລີ ເກືອບ 70% ຕ້ອງການປັບເພີ່ມຄ່າແຮງງານ

   ຜົນ​ການ​ສຳ​ຫຼວດຂອງ​ສະພາ​ສະຫະພາບ​ການ​ຄ້າ​ອົດ​ສະຕຣາລີ(ACTU) ລະບຸ​ວ່າ ​ເກືອບ 70% ຂອງ​ຄົນ​ອົດ​ສະຕຣາລີ​ທີ່​ໄດ້​ຮັບ​ຜົນ​ການ​ສຳ​ຫຼວດ​ໃນ​ຄັ້ງ​ນີ້ ຕ້ອງການ​ໃຫ້​ລັດຖະບານ​ປັບ​ເພີ່ມຄ່າ​ແຮງ​ງານ​ຂັ້ນ​ຕໍ່າ.

 

   ຕາມ​ຂ່າວ​ຕ່າງ​ງປະ​ເທດ​ລາຍ​ງານ​ວ່າ: ຜົນ​ການ​ສຳ​ຫຼວດພົບ​ວ່າ ຄົນ​ອົດ​ສະຕຣາລີ​ຈຳນວນ 69% ຕ້ອງການ​ຄ່າ​ແຮງ​ງານ​ຂັ້ນ​ຕໍ່າ​ສູງ​ຂຶ້ນ ຂະນະ​ທີ່ 1 ​ໃນ 3(33%)ຕ້ອງການ​ປັບ​ຄ່າ​ແຮງ​ງານ​ຂັ້ນ​ຕໍ່າ​ໃຫ້​​ຂຶ້ນ​ສູງ​ຫຼາຍ ຂະນະ​ທີ່​ອີກ 20% ມອງ​ວ່າ ຄ່າ​ແຮງ​ງານ​ຂັ້ນ​ຕໍ່າ​ປັດ​ຈຸ​ບັນນີ້​ຢູ່​ໃນ​ລະດັບ​ທີ່​ພໍດີ, ປະຈຸ​ບັນ ຄ່າ​ແຮງ​ງານ​ຂັ້ນ​ຕໍ່າ​ຂອງ​ອົດ​ສະຕຣາລີ​ຢູ່​ທີ່ 17,70​ໂດ​ລາ​ອົດ​ສະຕຣາລີ(13,45 ​ໂດ​ລາ​ສະຫະລັດ)ຕໍ່​ຊົ່ວ​ໂມງ ຂະນະ​ທີ່ ACTU ຕ້ອງການ​ໃຫ້​ມີ​ການ​ປັບ​ຄ່າ​ແຮງ​ງານ​ຂັ້ນ​ຕໍ່າ​ເພີ່ມ​ຂຶ້ນ​ຕື່ມ​ອີກ 45 ​ໂດ​ລາ​ອົດ​ສະຕຣາລີ​ຕໍ່​ອາທິດ(34 ​ໂດ​ລາ​ສະຫະລັດ).

   ດ້ານ​ທ່ານ ນາງ ​ແຊ​ລລີ່ ​ແມ​ກມານັສ ​ໂຄສົກ​ປະຈຳ ACTU ກ່າວ​ວ່າ ​ແຮງ​ງານ​ທີ່​ຖືກ​ກົດ​ຄ່າ​ແຮງ​ງານ ​ແລະ ຜູ້​ທີ່​ຫາ​ເຊົ້າ​ກິນ​ຄໍ່າ​ໃນ​ອົດ​ສະຕຣາລີ​ຍັງ​ຕ້ອງ​ທົນ​ທຸກທໍລະມານ​ຕໍ່​​ໄປ ​ເນື່ອງ​ຈາກ​ລັດຖະບານ​ຍັງຄົງ​ໃຫ້​ຄວາມ​ສົນ​ໃຈ​ແຕ່​ແຜນ​ຫຼຸດ​ພາສີ​ທຸລະ​ກິດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ສະຖິຕິຜູ້ເຂົ້າຊົມເວັບໄຊ

free counters

ໄປເທິງສຸດ