ສວນສະໜຸກຈຳປາວຽງຈັນທຸລະກິດໂດຍການເນັ້ນຄວາມເບີກບານ

    ສວນ​ສະ­ໜຸກ​ຈຳ­ປາ​ວຽງ​ຈັນ ເປັນ​ໜຶ່ງ​ສະ­ຖານ­ທີ່​ລົງ­ທຶນ​ໂດຍ ຊາວ​ຕ່າງ​ຊາດ ເພື່ອ​ພິກ​ພື້ນ​ຜືນ ແຜ່ນ­ດິນ​ເປົ່າ​ສ້າງ​ສວນ​ສະ­ໜຸກ ຈຳ­ປາ​ວຽງ​ຈັນ ໃຫ້​ກາຍ­ເປັນ​ສະຖານ​ທີ່​ພັກ­ຜ່ອນ​ທີ່​

ປະ­ກອບ​ດ້ວຍ ເຄື່ອງ​ຫຼິ້ນ​ແບບ​ຄົບ​ວົງ​ຈອນ ເພື່ອ ເອົາ­ໃຈ​ຜູ້​ທີ່​ມັກ​ຄວາມ​ເບິກ​ບານ ມ່ວນ­ຊື່ນ ແລະ​ການ​ທ້າ​ທາຍ​ກັບ ເຄື່ອງ​ຫຼິ້ນ​ແຕ່​ລະ​ປະ­ເພດ.

    ທ່ານ ບີ້ງ ເຈົ້າ​ຂອງ​ສວນ​ສະ ໜຸກ​ຈຳ­ປາ​ວຽງ​ຈັນ ຊຶ່ງ​ເປັນ​ຄົນ ສັນ­ຊາດ​ຫວຽດ­ນາມ ໃຫ້​ສຳ­ພາດ ວ່າ: ສວນ​ສະ­ໜຸກ​ຈຳ­ປາ ວຽງ​ຈັນ ແມ່ນ​ສວນ​ໜຶ່ງ​ທີ່​ຖືກ​ສ້າງ​ຂຶ້ນ​ໃນ​ປີ 2014  ໃນ​ເນື້ອ­ທີ່​ເຮັກ­ຕາ​ກວ່າ, ຊຶ່ງ​ປະ­ຈຸ​ບັນ ໃຊ້​ງົບ​ໃນ​ການ​ກໍ່­ສ້າງ ແລ້ວ 8 ຕື້​ກວ່າ​ກີບ ເພື່ອ​ພິກ​ຜືນ​ປ່າ​ໃຫ້​ກາຍ​ມາ​ເປັນ​ສວນ​ສະ­ໜຸກ ແບບ​ຄົບ​ວົງ​ຈອນ ແລະ​ກໍ​ເຫັນ​ວ່າ ເປັນ​ສວນ​ໜຶ່ງ​ທີ່​ເນັ້ນ​ຄວາມ​ແຕກ ຕ່າງ​ຈາກ​ສວນ​ອື່ນໆ ຊຶ່ງ​ຢູ່​ລາວ ເຮົາ ຍັງ​ບໍ່​ທັນ​ມີ​ນັກ­ທຸ­ລະ­ກິດ​ທ່ານ ໃດ​ສ້າງ​ສວນ​ສະ­ໜຸກ​ທີ່​ມີ​ຄົບ​ວົງ ຈອນ​ມາ​ກ່ອນ ແລະ​ສ່ວນ​ທີ່​ມີ​ກໍ​ຍັງ ເຫັນ​ວ່າ​ບໍ່​ທັນ​ພຽງ­ພໍ​ກັບ​ຄວາມ​ຕ້ອງ­ການ​ໃນ​ການ​ບໍ­ລິ­ການ​ຕົວ​ຈິງ, ດັ່ງ­ນັ້ນ​ທາງ​ພວກ​ເຮົາ ຈິ່ງ​ໄດ້​ທຸ່ມ ທຶນ​ສ້າງ​ເພື່ອ​ໃຫ້​ຄົບ​ວົງ​ຈອນ​ໃນ ແຫ່ງ​ດຽວ, ໂດຍ​ສະ­ເພາະ​ພາ​ລູກໆ ມາ​ລອຍ­ນ້ຳ ຜູ້​ເປັນ​ພໍ່​ເປັນ​ແມ່​ຈະ ໄປ​ນວດ​ເພື່ອ​ຜ່ອນ­ຄາຍ​ທີ່​ຫ້ອງ​ສະ ປາ​ແບບ​ເກົາ­ຫຼີ ຫຼື ຈະ​ລອຍ­ນ້ຳ​ທາງ ສວນ​ຂອງ​ພວກ​ເຮົາ​ກໍ​ມີ​ໃຫ້​ບໍ​ລິ ການ ໂດຍ​ເປັນ​ສະ​ໃຫຍ່​ເລິກ​ປະ ມານ 2,5 ແມັດ, ນອກ­ຈາກ​ນັ້ນ ກໍຍັງ​ມີ​ກິດ­ຈະ­ກຳ​ອື່ນໆ​ເຊັ່ນ: ການ​ຫຼິ້ນ ສະ​ເກັດ, ທ່ຽວ​ສວນ­ສັດ​ຈຳ­ລອງ, ສະ­ໜຸກ​ເກີ້, ຫ້ອງ​ຄະ­ລາ​ໂອ​ເກະ ແລະ​ມູນ​ສະ­ບາຍ​ນັ່ງ​ດື່ມ​ກາ­ເຟ.

    ນັບ​ແຕ່​ມື້​ສ້າງ​ເປັນ­ຕົ້ນ​ມາ​ທາງ ສວນ​ກໍ​ໄດ້​ເປີດ​ໃຫ້​ໃຊ້​ບໍ­ລິ­ການ​ໃນ ສ່ວນ​ທີ່​ເຫັນ​ວ່າ​ສຳ­ເລັດ​ໄປ​ແລ້ວ ນັ້ນ ຫຼື ເອີ້ນ​ອີກ​ຢ່າງ​ໜຶ່ງ ກໍ​ແມ່ນ ການ​ເປີດ​ໃຫ້​ທົດ​ລອງ​ໃຊ້​ສວນ​ສະ ໜຸກ​ພົບ​ວ່າ​ສວນ​ດັ່ງ­ກ່າວ​ໄດ້​ຮັບ ຄວາມ​ຕອບ​ຮັບ​ທີ່​ດີ​ຈາກ​ມວນ​ຊົນ ທົ່ວ​ທັງ​ນະ­ຄອນ­ຫຼວງ​ວຽງ​ຈັນ, ເນື່ອງ​ຈາ​ກວ່າ​ທາງ​ສວນ​ຂອງ ພວກ​ເຮົາ​ເນັ້ນ​ການ​ບໍ­ລິ­ການ​ແບບ​ເປັນ​ກັນ​ເອງ ໂດຍ​ສະ­ເພາະ​ແມ່ນ ການ​ເກັບ​ຄ່າ​ບໍ­ລິ­ການ ຊຶ່ງ​ທາງ ສວນ​ແມ່ນ​ຈະ​ເກັບ​ໃນ​ລາ­ຄາ 10 ພັນ​ກີບ, ສະ­ເພາະ​ເດັກ­ນ້ອຍ​ຕ່ຳ ກວ່າ 10 ປີ​ລົງ​ມາ ແລະ​ຜູ້​ໃຫຍ່ 20 ພັນ​ກີບ​ຕໍ່​ຄົນ, ສ່ວນ​ເລື່ອງ​ຂອງ​ອາ ຫານ​ລາ­ຄາ​ດຽວ​ກັບ​ຮ້ານ​ຄ້າ​ທົ່ວ ໄປ ຊຶ່ງ​ຈະ​ບໍ່​ເກັບ​ເພີ່ມ​ແຕ່​ຢ່າງ­ໃດ ແລະ​ຄ່າ​ບໍ­ລິ­ການ​ເຊົ່າ​ຕູບ​ແມ່ນ ທາງ​ສວນ​ຈະ​ບໍ່​ເກັບ, ພ້ອມ​ນັ້ນ ສາ ມາດ​ຫຼິ້ນ​ເຄື່ອງ​ຫຼິ້ນ​ທຸກ​ປະ­ເພດ, ນອກ­ຈາກ​ນີ້ ທາງ​ຮ້ານ​ຍັງ​ມີ​ບໍ​ການ ເສີມ​ລ້າງ​ລົດ​ໃຫ້​ກັບ​ແຂກ​ອີກ​ດ້ວຍ.

     ແຕ່​ຢ່າງ­ໃດ​ກໍ​ຕາມ ໃນ​ປະ­ຈຸ​ບັນ ເຖິງ​ແມ່ນ​ວ່າ​ທາງ​ສວນ​ຂອງ​ພວກ ເຮົາ​ຍັງ​ບໍ່​ທັນ​ໄດ້​ເປີດ​ໃຫ້​ບໍ­ລິ­ການ ຢ່າງ​ເປັນ​ທາງ​ການ​ເທື່ອ ແຕ່​ກໍ ເຫັນ​ໄດ້​ວ່າ​ມວນ​ຊົນ​ຈຳ­ນວນ​ຫຼາຍ ກໍ​ໄດ້​ມາ​ໃຊ້​ບໍ­ລິ­ການ​ແລ້ວ​ຈາກ ການ​ເກັບ​ສະ­ຖິ­ຕິ​ສະ­ເລ່ຍ​ປະ­ມານ 500-600 ຄົນ​ຕໍ່​ວັນ ໃນ​ໄລ­ຍະ ໜ້າ​ຮ້ອນ ຄາດ​ວ່າ​ຖ້າ​ເປີດ​ໃຫ້​ບໍ​ລິ ການ​ຢ່າງ​ເປັນ​ທາງ​ການ​ແລ້ວ​ອາດ​ຈະ​ມີ​ຜູ້​ຄົນ​ເຂົ້າ​ມາ​ໃຊ້​ບໍ­ລິ­ການ​ໃນ ຈຳ­ນວນ​ຫຼວງ­ຫຼາຍ ຢ່າງ​ແນ່­ນອນ.

     ເຈົ້າ​ຂອງ​ສວນ ສະ­ໜຸກ ຍັງ​ໃຫ້​ຮູ້​ອີກ ວ່າ: ເພື່ອ​ເຮັດ​ໃຫ້ ການ​ບໍ­ລິ­ການ​ພຽງ­ພໍ​ກັບ​ຄວາມ​ຕ້ອງ­ການ​ຂອງ​ລູກ​ຄ້າ​ທີ່​ຈະ​ເພີ່ມ​ຂຶ້ນ​ໃນ­ຕໍ່­ໜ້າ,  ທາງ​ສວນ​ຂອງ​ພວກ ເຮົາ​ກໍ​ກຳ­ລັງ​ຂະ ຫຍາຍ​ພື້ນ​ທີ່​ຂອງ  ການ​ພັກ​ເຊົາ​ຕະ­ຫຼອດ​ຮອດ​ສະ­ຖານ­ທີ່​ຈອດ​ແນ­ໃສ່​ເພື່ອ​ອຳ­ນວຍ ຄວາມ​ສະ­ດວກ​ແກ່​ຜູ້​ມາ​ທ່ຽວ​ຫຼິ້ນ, ພ້ອມ​ດຽວ​ກັນ​ນັ້ນ​ທາງ​ສວນ​ກໍ​ຍັງ ຕ້ອງ­ການ​ແຮງ​ງານ​ເປັນ​ຈຳ­ນວນ ຫຼາຍ ເພື່ອ​ໃຫ້​ພຽງ­ພໍ​ກັບ​ການ​ເປີດ ບໍ­ລິ­ການ​ຢ່າງ​ເປັນ​ທາງ​ການ​ຂອງ ສວນ​ໃນ​ເດືອນ​ນີ້​ຕົ້ນ­ຕໍ​ກໍ​ແມ່ນ​ພະ ນັກ​ງານ​ປະ­ຈຳ​ຢູ່​ສະ​ປາ ແລະ​ປະ ຈຳ​ຢູ່​ຮ້ານ​ອາ­ຫານ​ຂອງ​ສວນ, ນອກ​ນັ້ນ ທາງ​ສວນ​ຍັງ​ມີ​ບໍ­ລິ­ການ ຈັດ​ງານ​ລ້ຽງ, ງານ​ວັນ​ເກີດ ແລະ ງານ​ສຳ­ຄັນ​ອື່ນໆ, ໂດຍ​ມີ​ສະ­ຖານ ທີ່​ກວ້າງ­ຂວາງ, ຖ້າ​ຫາກ​ທ່ານ​ໃດ ສົນ­ໃຈ​ຢາກ​ມາ​ທ່ຽວ​ຫຼິ້ນ​ໃນ​ວັນ ພັກ­ຜ່ອນ ກໍ​ສາ­ມາດ​ມາ​ໄດ້ ຊຶ່ງ​ຕັ້ງ ຢູ່​ບ້ານ​ດອນ​ໜູນ, ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ຕາມ​ຖະ ໜົນ​ເລກ 13 ໃຕ້ ຫຼື ຈະ​ໂທ​ສອບ ຖາມ​ກ່ອນ​ກໍ​ໄດ້​ທີ່​ເບີ 020 9915 1111 ຫຼື 22293222.

ຄະແນນລາຍການນີ້
(5 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພະຈິກ 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
ໄປເທິງສຸດ