ສາລະວັນ ເກັບການຂະຫຍາຍຕົວດ້ານເສດຖະກິດ-ສັງຄົມ

     ສາ­ລະ​ວັນ​ແມ່ນ​ແຂວງ​ໜຶ່ງທີ່​ນອນ​ໃນ​ບັນ­ດາ 4 ແຂວງ​ພາກໃຕ້​ຂອງ​ລາວ ແລະ​ເປັນ​ແຂວງ​ທີ່​ພວມ​ໄດ້​ຮັບ​ການ​ພັດ­ທະ­ນາ​ໂດຍ ສະ­ເພາະ​ກໍ​ແມ່ນ​ການ​ກໍ່­ສ້າງ​ພຶ້້ນ​ຖານ​ໂຄງ​ລ່າງ​ໃຫ້​ມີ

​ຄວາມ​ເຂັ້ມແຂງ ໃນ​ນີ້ ການ­ຈັດ­ຕັ້ງ​ປະ­ຕິ­ບັດແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ໃນ​ໄລ­ຍະ​ຜ່ານ​ມາ​ແມ່ນ​ເຫັນ​ວ່າ​ໄດ້​ຮັບ​ຄວາມ​ເອົາ­ໃຈ­ໃສ່​ເປັນ​ຢ່າງ​ດີ​ຈາກ​ຄະ­ນະ​ພັກ​ອຳ­ນາດປົກ­ຄອງ​ແຂວງ ແລະ​ພາກ­ສ່ວນ​ທີ່​ກ່ຽວ­ຂ້ອງ​ຕ່າງໆ​ໃນ​ແຕ່​ລະ​ຂັ້ນ​ອັນ​ເຮັດ​ໃຫ້​ແຂວງ​ໄດ້​ມີ​ໃບ​ໜ້າ​ໃໝ່​ໃນ​ທຸກ​ຂົງ­ເຂດ​ວຽກ​ງານ.

    ສຳ­ລັບ​ຜົນ​ໄດ້​ຮັບ​ທາງ​ດ້ານ ເສດ­ຖະ­ກິດ​ມະ­ຫາ​ພາກ​ໃນ​ໄລ­ຍະ​ທີ່ ຜ່ານ​ມາ ແມ່ນ​ເຫັນ​ວ່າ​ເສດ­ຖະ­ກິດ​ມີ​ການ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ, ລວມ​ຍອດ​ຜະ­ລິດ​ຕະ​ພັນ​ພາຍ​ໃນ 5 ປີ ບັນ­ລຸ​ໄດ້ 15.252,06 ຕື້​ກີບ, ສະ­ເລ່ຍ 3.054,41 ຕື້​ກີບ​ຕໍ່​ປີ, ອັດ­ຕາ​ການ​ຂະ­ຫຍາຍ­ຕົວ​ເພີ່ມ​ຂຶ້ນ 11,23% ສຳ­ລັບ​ສົກ​ປີ 2015-2016 ຄາດ​ວ່າ​ມູນ​ຄ່າ​ລວມ​ຍອດ ຜະ­ລິດ​ຕະ​ພັນ​ພາຍ​ໃນ​ຈະ​ບັນ­ລຸ​ໄດ້ 3.780,42 ຕື້​ກີບ, ໂຄງ​ປະ­ກອບ ເສດ­ຖະ­ກິດ​ໄດ້​ມີ​ການ​ຫັນ­ປ່ຽນ ຕາມ​ທິດ​ຫັນ​ເປັນ​ອຸດ­ສາ­ຫະ­ກຳ ແລະ​ທັນ​ສະ­ໄໝ ໃນ​ນີ້, ຂະ­ແໜງ ກະ­ສິ­ກຳ-ປ່າ­ໄມ້ ຫຼຸດ​ລົງ​ຈາກ 53,71% ໃນ​ສົກ​ປີ 2010-2011 ມາ​ເປັນ 43,4% ໃນ​ສົກ​ປີ 2014- 2015 ດ້ວຍ​ອັດ­ຕາ​ເພີ່ມ​ຂຶ້ນ​ສະ ເລ່ຍ 5,58% ຕໍ່​ປີ, ຂະ­ແໜງ​ອຸດ ສາ​ຫະ​ກຳ​ເພີ່ມ​ຈາກ 19,47% ໃນ​ສົກ​ປີ 2010-2011 ເປັນ 23,2% ດ້ວຍ​ອັດ­ຕາ​ເພີ່ມ​ຂຶ້ນ​ສະ ເລ່ຍ 15,66% ຕໍ່​ປີ ແລະ​ຂະ­ແໜງ ບໍ­ລິ­ການ ເພີ່ມ​ຂຶ້ນ​ຈາກ 26,74% ເປັນ 33,2% ໃນ​ສົກ​ປີ 2014-2015 ດ້ວຍ​ອັດ­ຕາ​ເພີ່ມ​ຂຶ້ນ​ສະ ເລ່ຍ 15,51% ຕໍ່​ປີ​ລາຍ​ໄດ້​ສະ ເລ່ຍ​ຫົວ​ຄົນ​ຕໍ່​ປີ ບັນ­ລຸ​ໄດ້ 9,4 ລ້ານ​ກວ່າ​ກີບ ຫຼື ເທົ່າ​ກັບ 1.170 ໂດ ລາ​ໃນ​ສົກ​ປີ 2014-2015.

     ສ່ວນ​ຍຸດ​ທະ​ສາດ​ແຜນ­ການ ພັດ­ທະ­ນາ​ເສດ­ຖະ­ກິດ​ຂອງ​ແຂວງ​ຮອດ​ປີ 2025 ແມ່ນ​ໃຫ້​ມີ​ການ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ ເພື່ອ​ສ້າງ​ປະ­ຖົມ​ປັດ​ໄຈ​ໃຫ້​ແກ່​ການ​ຫັນ​ເປັນ ອຸດ­ສາ­ຫະ­ກຳ ແລະ​ທັນ​ສະ­ໄໝ, ເພື່ອ​ເຮັດ​ໃຫ້​ໂຄງ​ປະ­ກອບ​ຂະ­ແໜງ​ອຸດ­ສາ­ຫະ­ກຳ ແລະ​ບໍ­ລິ­ການ​ກວມ 77,3%, ລາຍ​ໄດ້​ສະ­ເລ່ຍ​ຕໍ່​ຫົວ ຄົນ​ຕໍ່​ປີ 3.850 ໂດ​ລາ, ສ້າງ​ໂຄງ ປະ­ກອບ​ຂະ­ແໜງ​ກະ​ສີ​ກຳ​ໃຫ້​ເປັນ​ລະ­ບົບ​ຄົບ​ຊຸດ, ປະ­ກອບ­ສ່ວນ​ຢ່າງ​ຕັ້ງ­ໜ້າ​ເຂົ້າ​ໃສ່​ການ​ປະ­ຕິ­ບັດ​ໂຄງ­ການ​ຄ້ຳ­ປະ­ກັນ​ທາງ​ດ້ານ​ສະ­ບຽງ​ອາ­ຫານ, ສົ່ງ­ເສີມ​ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າ​ດ້ວຍ​ການ​ສົ່ງ­ເສີມ​ກະ​ສີ​ກຳ​ອິນ​ຊີ (ກະ­ສິ­ກຳ​ສະ­ອາດ), ເພື່ອ​ສ້າງ​ເສດ­ຖະ­ກິດ​ມະ­ຫາ​ພາກ​ຂອງ​ແຂວງ​ໃຫ້​ມີ​ບາດ­ກ້າວ​ຂະ ຫຍາຍ​ຕົວ­ຢ່າງ​ຕໍ່​ເນື່ອງ.  

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
ໄປເທິງສຸດ