ລະມາມ ຈະສູ້ຊົນສົ່ງອອກສິນຄ້າເພີ່ມຂຶ້ນ 10% ຕໍ່ປີ

    ຂະ­ແໜງ​ອຸດ­ສາ­ຫະ­ກຳ ແລະ​ການ​ຄ້າ​ເມືອງ​ລະ​ມາມ ຕັ້ງ​ເປົ້າ ໝາຍ​ສູ້​ຊົນ​ເຮັດ​ໃຫ້­ການ​ສົ່ງ​ອອກ​ສິນ­ຄ້າ​ເພີ່ມ​ຂຶ້ນ​ປະ­ມານ 10% ຫຼື ບັນ­ລຸ​ໄດ້ 11 ຕື້​ກວ່າ​ກີບ​ຕໍ່​ປີ, ທັງ​ນີ້​ກໍ​ເນື່ອງ​ຈາກ​

ການ​ຜະ­ລິດ​ກະ­ສິ­ກຳ (ປູກ­ຝັງ-ລ້ຽງ­ສັດ) ເປັນ​ສິນ­ຄ້າ ຂອງ​ປະ­ຊາ­ຊົນ​ທີ່​ນັບ​ມື້​ນັບ​ຂະ­ຫຍາຍ­ຕົວ​ຢ່າງ​ເປັນ​ຂະ​ບວນ​ການ​ກວ້າງ­ຂວາງ ຊຶ່ງ​ຈະ​ເປັນ​ທ່າ­ແຮງ​ເຮັດ​ໃຫ້​ແກ່​ການ​ສົ່ງ​ອອກ​ຂອງ​ເມືອງ​ໃນອະ­ນາ­ຄົດ, ຂະ­ນະ​ທີ່ 5 ປີ­ຜ່ານ­ມາ ເມືອງ​ສາ­ມາດ​ປະ­ຕິ­ບັດ​ມູນ​ຄ່າ ດ້ານ​ການ​ຄ້າ​ໄດ້​ລື່ນ​ແຜນ 4%.

    ອີງ​ຕາມ​ຂໍ້​ມູນ​ເມືອງ​ລະ​ມາມ ໃຫ້​ຮູ້​ວ່າ: ປະ­ຈຸ​ບັນ ເມືອງ​ລະ​ມາມ ມີ​ໜໍ່​ແໜງ​ຫຼາຍ​ຂຶ້ນ​ສຳ­ລັບ​ການ​ຜະ ລິດ​ເປັນ​ສິນ­ຄ້າ ໂດຍ​ສະ­ເພາະ​ແມ່ນ ສິນ­ຄ້າ​ທີ່​ເປັນ​ທ່າ­ແຮງ​ຂອງ​ເມືອງ ຄື: ຢາງ­ພາ­ລາ, ສາ­ລີ, ມັນ­ຕົ້ນ, ເຂົ້າ ແລະ​ການ​ລ້ຽງ­ສັດ​ປະ­ເພດ ຕ່າງໆ​ທີ່​ເຫັນ​ວ່າ​ໄດ້​ຮັບ​ຄວາມ​ສົນ ໃຈ​ຈາກ​ນັກ­ທຸ­ລະ­ກິດ​ພາຍ​ໃນ ແລະ ຕ່າງ­ປະ­ເທດ​ລົງ­ທຶນ​ປູກ​ຫຼາຍ​ຂຶ້ນ ຊຶ່ງ​ອັນ​ນີ້​ຈະ​ເປັນ​ພື້ນ­ຖານ​ໃຫ້​ແກ່ ການ​ສົ່ງ​ອອກ​ຂອງ​ເມືອງ ຫຼາຍ​ຂຶ້ນ ໃນ​ອະ­ນາ­ຄົດ ໂດຍ​ສະ­ເພາະ​ໃນ 5 ປີ​ຕໍ່­ໜ້າ 2014-2019 ເມືອງ​ໄດ້ ຕັ້ງ​ເປົ້າ​ໝາຍ​ການ​ສົ່ງ​ອອກ​ສິນ­ຄ້າ ໃນ​ແຕ່​ລະ​ປີ​ເພີ່ມ​ຂຶ້ນ 10% ຫຼື ໃຫ້ ບັນ­ລຸ​ໄດ້ 11,02 ຕື້​ກີບ​ຕໍ່​ປີ.

    ແນວ­ໃດ​ກໍ​ຕາມ ແຕ່​ນີ້​ຮອດ​ປີ 2019 ຂະ­ແໜງ​ອຸດ­ສາ­ຫະ­ກຳ ແລະ​ການ​ຄ້າ​ເມືອງ​ລະ​ມາມ ຈະ​ສຸມ​ໃສ່ ການ​ພັດ­ທະ­ນາ​ວຽກ​ງານ​ຂອງ​ຕົນ ໃຫ້​ເປັນ​ລະ­ບົບ​ຕ່ອງ​ໂສ້ ແລະ​ເປັນ ຫົວ​ຈັກ​ຫຼັກ​ແຫຼ່ງ ເພື່ອ​ກະ​ຕຸ້ນ​ການ​ເຕີບ​ໂຕ​ທາງ​ດ້ານ​ເສດ­ຖະ­ກິດ​ໃຫ້ ແຂງ­ແຮງ​ກວ່າ​ເກົ່າ ໂດຍ​ຫັນ​ຈາກ​ການ​ພື້ນ­ຖານ​ເສດ­ຖະ­ກິດ​ກະ​ສິ ກຳ​ໄປ​ສູ່​ເສດ­ຖະ­ກິດ​ການ​ບໍ­ລິ­ການ ແລະ​ຈະ​ພະ­ຍາ­ຍາມ​ຫັນ­ປ່ຽນ​ຈາກ ກະ­ສິ­ກຳ, ອຸດ­ສາ­ຫະ­ກຳ, ການ​ບໍ­ລິ­ການ​ໃຫ້​ກາຍ­ເປັນ​ເສດ­ຖະ­ກິດ​ພູມ ປັນ­ຍາ ເພື່ອ​ປົກ​ປັກ​ຮັກ­ສາ​ສິ່ງ​ແວດ ລ້ອມ ແລະ ຮັບ­ປະ­ກັນ​ການ​ພັດ​ທະ ນາ​ແບບ​ຍືນ​ຍົງ​ຕາມ​ທ່າ​ອຽງ​ຂອງ​ເສດ­ຖະ­ກິດ.

     ພ້ອມ​ດຽວ​ກັນ​ນີ້ ບໍ່​ໄດ້​ເອົາ­ໃຈ­ໃສ່​ໃນ​ການ​ຄຸ້ມ​ຄອງ​ຂະ­ແໜງ​ອຸດ ສາ​ຫະ​ກຳ​ປຸງ​ແຕ່ງ, ຫັດ­ຖະ­ກຳ ແລະ​ການ​ຄ້າ​ໃຫ້​ປອດ​ໄສ, ສ້າງ ເງື່ອນ­ໄຂ ແລະ​ເອື້ອ​ອຳ­ນວຍ​ຢ່າງ ເຕັມ​ສ່ວນ​ແກ່​ການ​ດຳ­ເນີນ​ທຸ­ລະ ກິດ, ການ​ປະ­ກອບ​ອາ­ຊີບ​ຂອງ​ບັນ ດາ​ນັກ­ທຸ­ລະ­ກິດ ແລະ​ປະ­ຊາ­ຊົນ ທັງ​ນີ້ ເພື່ອ​ເຮັດ​ໃຫ້​ຂະ­ແໜງ​ອຸດ​ສາ ຫະ​ກຳ​ນັບ​ມື້​ຂະ­ຫຍາຍ­ຕົວ​ເພີ່ມ​ຂຶ້ນ​ກວມ​ເອົາ 15% ຂອງ​ຈີ​ດີ​ພີ​ຕໍ່​ປີ.

   ຂໍ້​ມູນ​ຍັງ​ໃຫ້​ຮູ້​ອີ​ກວ່າ: ໃນ​ໄລ ຍະ 5 ປີ­ຜ່ານ­ມາ​ຄະ­ນະ​ພັກ, ຄະ ນະ​ນຳ​ເມືອງ​ລະ​ມາມ​ໄດ້​ເອົາ­ໃຈ ໃສ່​ຊຸກ­ຍູ້​ສົ່ງ­ເສີມ​ປະ­ຊາ­ຊົນ​ສຸມ​ໃສ່​ການ​ຜະ­ລິດ​ເປັນ​ສິນ­ຄ້າ ໂດຍ​ສະ­ເພາະ​ສິນ­ຄ້າ​ທີ່​ເປັນ​ທ່າ­ແຮງ, ສິນ­ຄ້າ​ປາຍ​ແຫຼມ ແລະ​ຕະ­ຫຼາດ​ມີ​ຄວາມ​ຕ້ອງ­ການ​ຈົນ​ສາ­ມາດ​ເຮັດ​ໃຫ້ ການ​ສົ່ງ​ອອກ​ຂອງ​ເມືອງ​ບັນ­ລຸ​ໄດ້ 1.844 ລ້ານ​ກີບ, ລື່ນ​ແຜນ 4%. ຂະ­ນະ​ດຽວ​ກັນ​ດ້ານ​ການ​ນຳ​ເຂົ້າ​ສູງ​ກວ່າ​ການ​ສົ່ງ​ອອກ​ເຖິງ 3.379 ລ້ານ​ກີບ ແຕ່​ການ​ນຳ​ເຂົ້າ ດັ່ງ­ກ່າວ ແມ່ນ​ເປັນ​ການ​ນຳ​ເຂົ້າ ເພື່ອ​ຮັບ​ໃຊ້​ໂຄງ­ການ​ລົງ­ທຶນ​ພັດ­ທະ­ນາ​ພື້ນ­ຖານ​ໂຄງ​ລ່າງ, ການ​ຜະ ລິດ, ເຄື່ອງ­ໃຊ້​ໄຟ­ຟ້າ ແລະ​ຮັບ​ໃຊ້ ຊີ­ວິດ​ການ​ເປັນ​ຢູ່​ປະ­ຈຳ​ວັນ​ຂອງ ປະ­ຊາ­ຊົນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກໍລະກົດ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
ໄປເທິງສຸດ