ບຸບເຟ້ ທະເລສົດ ເນັ້ນຄວາມສົດ ແລະສະອາດ ເປັນຈຸດຂາຍ

      ປະ­ຈຸ​ບັນ​ປະ­ກົດ​ວ່າ​ເຫັນ ຮ້ານ​ອາ­ຫານ​ນັບ​ມື້​ນັບ​ເພີ່ມ​ຂຶ້ນ ຫຼາຍ​ບໍ່​ວ່າ​ຈະ​ເປັນ​ອາ­ຫານ​ແບບ ພື້ນ​ບ້ານ ແລະ​ຕ່າງ­ປະ­ເທດທີ່​ມີ​ລັກສະ​ນະ​ແຕກ​ຕ່າງ​ກັນ​ທັງ​ມີ​ຫຼາຍໆ ປະ­ເພດ​ເຊັ່ນ ປີ້ງ, ຈຸ່ມ, ດາດ ແລະ ຮ້ານ​ອາ­ຫານ ບຸບ​ເຟ້​ທະ­ເລ​ສົດ ກໍແມ່ນ​ອີກ​ໜຶ່ງ​ຮ້ານ​ທີ່​ວ່າ​ເນັ້ນ​ແຕ່ ປີ້ງ ແລະ​ຢ້າງ ເທົ່າ​ນັ້ນ​ສົດ ແລະ​ສະ­ອາດ. 

     ທ່ານ ນາງ ອາ​ນົງ ອາ​ລຸນ​ສີ ຫຼື ດາ ເຈົ້າ​ຂອງ​ຮ້ານ​ອາ­ຫານ​ບຸບ​ເຟ້ ທະ­ເລ​ສົດ ໄດ້​ເລົ່າ​ສູ່​ທີມ​ງານ​ນັກ​ຂ່າວ​ຄໍ​ລຳ​ທຸ ລະ​ກິດ​ການ​ຄ້າ ເ

ມື່ອ​ບໍ່​ດົນ​ມາ​ນີ້​ຮູ້​ວ່າ: ແຕ່​ກ່ອນ​ຮ້ານ​ຂອງ ພວກ​ເຮົາ​ຈະ​ເປັນ​ຮ້ານ​ອາ­ຫານ​ຈີນ ຜ່ານ​ມາ­ໄລ​ຍະ​ໜຶ່ງ​ເຫັນ ວ່າ­ການ​ຕອບ​ຮັບ​ຂອງ​ລູກ​ຄ້າ​ບໍ່​ຄ່ອຍ​ດີ​ປານ­ໃດ ເລີຍ​ຕັດ­ສິນ ໃຈ​ປ່ຽນ​ມາ​ເປັນ​ຮ້ານ​ອາ­ຫານ ບຸບ​ເຟ້​ທະ­ເລ​ສົດ ປະ­ຈຸ​ບັນ ແມ່ນ​ເປີດ​ໃຫ້​ບໍ­ລິ­ການ​ມາ​ໄດ້ 5 ເດືອນ​ກວ່າ ປະ­ເພດ​ອາ ຫານ​ແມ່ນ​ປະ­ກອບ​ມີ: ກຸ້ງ, ປາ​ມືກ, ປູ​ມ້າ, ປູ​ດຳ, ຫອຍ ຫວານ, ຫອຍ​ແຊວ, ຫອຍ​ແຄງ ແລະ​ອື່ນໆ ນອກ­ຈາກ​ນັ້ນ ກໍ​ຈະ​ມີ​ອາ­ຫານ​ເສີມ​ປະ­ເພດ​ນ້ຳ­ຫວານ, ກະ​ແລ້ມ ແລະ​ໝາກ ໄມ້ ໂດຍ​ພາຍ​ໃນ​ຮ້ານ​ຂອງ​ພວກ​ເຮົາ​ສາ­ມາດ​ຮອງ​ຮັບ​ລູກ ຄ້າ​ໄດ້​ປະ­ມານ 90 ກວ່າ​ຄົນ ແລະ​ມີ​ຫ້ອງ​ພິ­ເສດ 4 ຫ້ອງ ຫ້ອງ​ລະ 10 ຄົນ ສຳ­ລັບ​ວັດ­ຖຸ​ດິບ​ແມ່ນ​ໄດ້​ນຳ​ມາ​ຈາກ​ປະ­ເທດ​ເພື່ອນ​ບ້ານ ທີ່​ເນັ້ນ​ຄວາມ​ສົດ ແລະ ສະ­ອາດ ຖືກ​ຫຼັກ​ອະ­ນາ­ໄມ.

       ເຈົ້າ​ຂອງ​ຮ້ານ​ຍັງ​ເລົ່າ​ຕື່ມ​ອີ​ກວ່າ : ແຜນ­ການ​ໃນ­ຕໍ່­ໜ້າ ແມ່ນ​ຈະ​ຂະ­ຫຍາຍ​ສາ­ຂາ​ເພີ່ມ​ຕື່ມ ຂື້ນ​ຢູ່​ບ້ານ​ອຸ­ມົງ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ລັກ­ສະ­ນະ​ຍັງ​ຄົງ​ເດີມ ເພື່ອ​ໃຫ້ ເປັນ​ເອ­ກະ­ລັກ​ສະ­ເພາະ ຮ້ານ​ອາ­ຫານ ບຸບ​ເຟ້ ທະ­ເລ​ສົດ ສຳ­ລັບ​ດ້ານ​ລາ­ຄາ​ຜູ້​ໃຫຍ່ 79.000 ກີບ​ຕໍ່​ຄົນ ແລະ​ເດັກ­ນ້ອຍ 35 ພັນ​ກີບ​ຕໍ່​ຄົນ ພິ­ເສດ​ຖ້າ​ເດັກ­ນ້ອຍ​ອາ­ຍຸ​ຕ່ຳ​ກວ່າ 7 ປີ​ແມ່ນ​ກິນ­ລ້າ ຮ້ານ​ຈະ​ເປີດ​ໃຫ້​ບໍ­ລິ­ການ​ທຸກໆ ມື້​ວັນ​ຈັນ​ຫາ​ວັນ​ອາ­ທິດ ຕັ້ງ­ແຕ່​ເວ­ລາ 17:30 ໂມງ ຫາ 22:30 ໂມງ ສະ­ຖານ­ທີ່​ຕັ້ງ​ຢູ່​ບ້ານ​ດອນ​ກອຍ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ ຫຼື ຈະ​ໂທ​ສອບ​ຖາມ​ເພີ່ມ​ເຕີມ​ທີ່​ໝາຍ​ເລກ­ໂທລະ­ສັບ : 020 5678 9211 ຫຼື 020 5835 5422. 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
ໄປເທິງສຸດ