ວາຕາຊິ-ລາວ ເນັ້ນບໍລິການຫຼັງການຂາຍ

     ຍ້ອນ​ບໍ­ລິ­ສັດ ວາ­ຕາ​ຊິ-ລາວ ຮູ້​ໄດ້​ເຖິງ​ກົນ ລະ​ຍຸດ ແລະ​ຖື​ໝັ້ນ​ດ້ານ​ການ​ບໍ­ລິ­ການ​ຫຼັງ​ການ​ຂາຍ​ເປັນ​ອຸ­ດົມ​ການ​ໃນ​ການ​ດຳ­ເນີນ​ທຸ­ລະ ກິດ ກໍ​ຄື​ການ​ດຶງ​ດູດ​ໃຈ​ຂອງ​ລູກ​ຄ້າ ຈິ່ງ​

ເຮັດ​ໃຫ້​ຕະ­ຫຼອດ​ໄລ­ຍະ 2 ປີ​ມາ​ນີ້ ທຸ­ລະ​ກິດ​ນັບ​ມື້ ເຕີບ​ໃຫຍ່​ທາງ​ດ້ານ​ປະ­ລິ­ມານ ແລະ​ຄຸນ​ນະ​ພາບ, ພ້ອມ​ທັງ ມີ​ຕົວ​ແທນ​ຈຳ­ໜ່າຍ​ແລ້ວ 25 ສາ­ຂາ, ຄາດ​ວ່າ​ໃນ​ໄວໆ​ນີ້ ຈະ​ມີ​ຕົວ​ແທນ​ຈຳ­ໜ່າຍ​ຢ່າງ​ທົ່ວ​ເຖິງ​ໃນ​ຂອບ​ເຂດ​ທົ່ວ​ປະ­ເທດ.

    ທ່ານ ວົງ​ວິ­ເສດ ໄຊ​ຍະ​ວົງ ຜູ້­ອຳ­ນວຍ­ການ ບໍ­ລິ­ສັດ ວາ­ຕາ​ຊິ-ລາວ ຈຳ­ກັດ​ຜູ້​ດຽວ ໃຫ້​ສຳ­ພາດ​ວ່າ: ໃນ​ເມື່ອ​ກ່ອນ​ເພີ່ນ​ເປັນ​ຜູ້​ໜຶ່ງ​ທີ່​ເຮັດ​ທຸ­ລະ​ກິດ​ທາງ​ດ້ານ​ການ​ຮັບ​ເໝົາ​ກໍ່­ສ້າງ ແລະ​ກໍ​ໄດ້​ເຄີຍ​ໃຊ້​ບໍ­ລິ­ການ​ຕິດ​ຕັ້ງ​ກ້ອງ​ວົງ​ຈອນ​ປິດ​ນຳ​ບໍ­ລິ­ສັດ​ໜຶ່ງ, ແຕ່​ໃນ​ເວ­ລາ​ນັ້ນ ຜູ້​ທີ່ ມາ​ຮັບ​ເໝົາ​ດ້ານ​ການ​ຕິດ​ຕັ້ງ​ກ້ອງ​ວົງ​ຈອນ​ປິດ​ກໍ​ມີ​ໜ້ອຍ ແລະ​ອີກ​ຢ່າງ​ຍັງ​ບໍ່​ຮູ້​ລາຍ​ລະ­ອຽດ ແລະ​ຄວາມ​ສຳ­ຄັນ​ຂອງ​ການ​ຕິດ​ຕັ້ງ ເມື່ອ​ເປັນ​ແນວ​ນັ້ນ ຈິ່ງ​ເຮັດ​ໃຫ້​ຜູ້​ຮັບ​ເໝົາ​ຕິດ​ຕັ້ງ​ພຽງ ແຕ່​ເຮັດ​ແລ້ວ​ກໍ​ບໍ່​ໄດ້​ມາ​ເບິ່ງ­ແຍງ ຫຼື ເວົ້າ​ອີກ​ຢ່າງ​ໜຶ່ງ​ວ່າ ຕິດ​ຕັ້ງ​ແລ້ວ​ກໍ​ແລ້ວ­ໄປ ຊຶ່ງ​ຈະ​ບໍ່​ມີ​ການ​ບໍ­ລິ­ການ​ຫຼັງ​ການ​ຂາຍ​ແຕ່​ຢ່າງ­ໃດ, ສະ­ນັ້ນ ຈິ່ງ​ເຮັດ​ໃຫ້​ຕັດ­ສິນ​ໃຈ​ສຶກ​ສາ​ຂໍ້​ມູນ​ກ່ຽວ​ກັບ​ການ​ຕິດ​ຕັ້ງ​ກ້ອງ​ດັ່ງ­ກ່າວ​ຈົນ​ມາ​ຮູ້­ຈັກ​ກັບ​ເບນ ວາ­ຕາ​ຊິ ຊຶ່ງ​ເປັນ​ເບນ​ທີ່​ດັງ​ຢູ່​ປະ­ເທດ​ເພື່ອນ​ບ້ານ ທີ່​ໄດ້​ຮັບ​ຄວາມ​ໄວ້​ເນື້ອ ເຊື່ອ​ໃຈ​ຈາກ​ສັງ­ຄົມ​ໄທ ແລະ​ຍັງ​ໄດ້​ເປັນ​ເບນ​ອັນ​ໜຶ່ງ​ທາງ​ດ້ານ​ວົງ​ຈອນປິດ​ຢູ່​ພາຍ​ໃນ​ປະ­ເທດ​ດັ່ງ­ກ່າວ, ແຕ່​ໃນ​ຂະ­ນະ​ດຽວ​ກັນ​ກໍ​ເຫັນ​ວ່າ​ຢູ່​ບ້ານ ເຮົາ​ຍັງ​ບໍ່​ທັນ​ມີ​ຕົວ​ແທນ​ຈຳ­ໜ່າຍ ໃນ​ເມື່ອ​ເຫັນ​ຄວາມ​ເປັນ​ໄປ​ໄດ້​ເພິ່ນ ກໍ ເລີຍ​ມາ​ຕັ້ງ​ບໍ­ລິ­ສັດ​ຂຶ້ນ​ເປັນ​ຜູ້​ທຳ​ອິດ​ທີ່​ນຳ​ເຂົ້າ­ກ້ອງ​ວົງ​ຈອນ​ປິດ​ຍີ່­ຫໍ້​ວາ­ຕາຊິ ແລະ​ລະ­ບົບ​ຄວາມ​ປອດ​ໄພ​ທຸກ​ຊະ­ນິດ ຢູ່​ລາວ ທີ່​ມີ​ລິ​ຄະ​ສິດ ໃຫ້​ຈັດ​ຈຳ ໜ່າຍ​ຜູ້​ດຽວ ແລະ​ແຫ່ງ​ດຽວ​ໃນ​ລາວ ນັບ​ຕັ້ງ­ແຕ່​ວັນ​ທີ 9 ມີ­ນາ ປີ 2014 ເປັນ­ຕົ້ນ​ມາ.

   ມາ​ຮອດ​ປະ­ຈຸ​ບັນ ພວກ​ເຮົາ​ມີ​ຕົວ​ແທນ​ຈຳ­ໜ່າຍ​ແລ້ວ 25 ສາ­ຂາ ທົ່ວ ນະ­ຄອນ­ຫຼວງ ແລະ​ບັນ­ດາ​ແຂວງ​ຕ່າງໆ​ເຊັ່ນ: ອຸ­ດົມ​ໄຊ, ຊຽງ​ຂວາງ, ຫົວ­ພັນ, ວຽງ​ຈັນ ແລະ​ແຂວງ​ບໍ​ລິ​ຄຳ​ໄຊ, ພ້ອມ​ນັ້ນ ທາງ​ບໍ­ລິ­ສັດ​ຍັງ​ມີ ບໍ­ລິ­ການ​ຂາຍ​ສົ່ງ, ຂາຍ­ຍ່ອຍ​ກ້ອງ​ວົງ​ຈອນ​ປິດ​ຄົບ​ວົງ​ຈອນ ທີ່​ມີ​ທັງ​ກ້ອງ ຕິດ​ບ້ານ, ຕິດ​ລົດ, ລະ­ບົບ​ຄວບ​ຄຸມ​ເຂົ້າ-ອອກ​ປະ­ຕູ ໂດຍ​ສະ​ແກນ​ໃບ​ໜ້າ, ນີ້ວ­ມື ແລະ​ຄີ​ກາດ, ເຄື່ອງ​ບັນ­ທຶກ​ເວ­ລາ​ການ​ເຮັດ​ວຽກ​ຂອງ​ພະ­ນັກ­ງານ ແລະ​ຊຸດ​ຄວບ​ຄຸມ​ລະ­ບົບ​ກັນ​ໂຈນ​ແບບ​ບໍ່​ມີ​ສາຍ​ບໍ­ລິ­ການ​ອິ​ອອນ ແລະ​ຍັງ ບໍ­ລິ­ການ​ຮັບ​ຕິດ​ຕັ້ງ​ກ້ອງ​ວົງ​ຈອນ​ປິດ​ຕາມ​ຮ້ານ​ຄ້າ, ເຮືອນ​ຊານ, ສຳ­ນັກ ງານ, ໂຮງ­ແຮມ, ເຮືອນ​ພັກ ແລະ​ຮ້ານ​ອາ­ຫານ, ໂດຍ​ຈຸດ​ເດັ່ນ​ທີ່​ເຮັດ​ໃຫ້​ທຸ ລະ​ກິດ​ຂອງ​ພວກ​ເຮົາ​ນັບ​ມື້​ເຕີບ​ໃຫຍ່​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ​ນັ້ນ ເພາະ​ທາງ​ບໍ­ລິ­ສັດ​ຂອງ​ພວກ​ເຮົາ​ຈະ​ເນັ້ນ​ການ​ບໍ­ລິ­ການ​ຫຼັງ​ການ​ຂາຍ​ເປັນ​ຫຼັກ ຊຶ່ງ​ເປັນ​ຈຸດ​ໜຶ່ງ​ທີ່​ເຮັດ​ໃຫ້​ຫຼາຍໆ​ບໍ­ລິ­ສັດ​ນຳ​ເຂົ້າ​ສິນ­ຄ້າ​ປະ­ເພດ​ດັ່ງ­ກ່າວ ບໍ່​ສາ­ມາດ​ແຂ່ງ​ໄດ້,

    ຖ້າ​ຖາມ​ວ່າ ເປັນ​ຫຍັງ​ຈຶ່ງ​ເນັ້ນ​ບໍ­ລິ­ການ​ຫຼັງ​ການ​ຂາຍ​ເປັນ​ຫຼັກ ບັນ­ຫາ​ນີ້ ກໍ​ເພາະ­ວ່າ ພວກ​ເຮົາ​ໄດ້​ຮູ້ ແລະ​ເຫັນ​ຈາກ​ປະ­ສົບ​ການ​ຈິງ​ໃນ​ປະ­ຈຸ​ບັນ​ຜ່ານ ການ​ຕິດ​ຕັ້ງ ແລະ​ສ້ອມ­ແປງ​ໃຫ້​ກັບ​ບັນ­ດາ​ກຸ່ມ​ລູກ​ຄ້າ​ທີ່​ຮັບ​ຊື້, ຕິດ​ຕັ້ງ​ນຳ​ບໍ­ລິ­ສັດ​ອື່ນ​ມາ​ແລ້ວ ທີ່​ບໍ່​ມີ​ບໍ­ລິ­ການ​ຫຼັງ​ການ​ຂາຍ​ຄື​ກັບ​ບໍ­ລິ­ສັດ​ຂອງ​ພວກ​ເຮົາ ທີ່​ມີ ບໍ­ລິ­ການ​ຫຼັງ​ການ​ຂາຍ​ເປັນ​ໄລ­ຍະ​ເວ­ລາ 3 ປີ​ເຕັມ ພາຍ­ຫຼັງ​ທີ່​ຊື້​ໄປ ແລະ​ຕິດ​ຕັ້ງ​ແລ້ວ​ບໍ­ລິ­ສັດ​ຈະ​ເບິ່ງ­ແຍງ​ໃຫ້​ໂດຍ​ບໍ່​ໄດ້​ເສຍ​ຄ່າ​ໃຊ້​ຈ່າຍ​ແຕ່​ຢ່າງ­ໃດ.

  ທ່ານ ວົງ​ວິ­ເສດ ໄຊ​ຍະ​ວົງ ໃຫ້​ຮູ້​ອີ​ກວ່າ: ໃນ­ຕໍ່­ໜ້າ​ນອກ­ຈາກ ຈະ​ຂະ­ຫຍາຍ­ຕົວ​ແທນ​ຈຳ­ໜ່າຍ​ໄປ​ແຕ່​ລະ​ແຂວງ​ທົ່ວ​ປະ­ເທດ ພາຍ​ໃນ​ໄລ­ຍະ​ເວ­ລາ 2 ປີ, ພ້ອມ​ກັນ​ນັ້ນ ກໍ​ຍັງ​ຈະ​ສືບ­ຕໍ່​ນຳ​ເອົາ​ສິ່ງ​ໃໝ່ ແລະທັນ​ສະ­ໄໝ​ເພື່ອ​ມາ​ຮັບ​ໃຊ້​ແກ່​ສັງ­ຄົມ​ນອກ​ນັ້ນ ກໍ​ຍັງ ຈະ​ມີ​ການ​ຈັດ​ສຳ​ມະ​ນາ​ເພື່ອ​ໃຫ້​ຄວາມ​ຮູ້​ແກ່​ຕົວ ແທນ​ຈຳ­ໜ່າຍ​ຕື່ມ​ອີກ​ດ້ວຍ​ເປັນ­ຕົ້ນ​ແມ່ນ​ເຮັດ​ແນວໃດ​ຈະ​ໃຫ້​ສິນ­ຄ້າ​ຂອງ​ພວກ​ເຮົາ​ໄດ້​ກາຍ­ເປັນ​ສ່ວນ ໜຶ່ງ​ໃນ​ການ​ເບິ່ງ­ແຍງ​ດ້ານ​ຄວາມ​ປອດ​ໄພ​ໃຫ້​ແກ່​ຊັບ​ສິນ​ຂອງ​ພວກ​ທ່ານ​ໄວ້​ໃນ​ໄລ­ຍະ​ເວ­ລາ​ສຸກ​ເສີນ ຫຼື ໃຫ້​ກາຍ­ເປັນ​ສ່ວນ​ໜຶ່ງ​ໃນ​ການ​ເຝົ້າ​ລະ­ວັງ​ໄພ ຕ່າງໆ​ທີ່​ບໍ່​ຄາດ​ຫວັງ​ຈະ​ເກີດ​ຂຶ້ນ.

    ນອກ­ຈາກ​ການ​ບໍ­ລິ­ການ​ຫຼັງ​ການ​ຂາຍ​ແລ້ວ ທາງ​ບໍ­ລິ­ສັດ ຍັງ​ມີ​ໂປຣ​ໂມ​ຊັນ​ພິ­ເສດ​ສຳ­ລັບ​ຕ້ອນ­ຮັບ ເທ​ສະ­ການ​ຕື່ມ​ເປັນ­ຕົ້ນ​ຈຸດ​ລາ­ຄາ​ທ້າ​ສາຍ​ຝົນ ໝົດ ທ້າຍ​ເດືອນ​ນີ້ ແລະ​ອີກ​ບໍ­ລິ­ການ​ອື່ນໆ ຕາມ​ແຕ່​ລະ ໄລ­ຍະ, ສ່ວນ­ວ່າ​ທ່ານ​ໃດ​ທີ່​ກຳ­ລັງ​ຢາກ​ໄດ້​ກ້ອງ ວົງ​ຈອນ​ປິດ ກໍ​ໃຫ້​ຄິດ​ເຖິງ ວາ­ຕາ​ຊິ-ລາວ ສິນ­ຄ້າໄດ້​ຄຸນ​ນະ​ພາບ​ໄປ​ເປັນ​ສ່ວນ​ໜຶ່ງ​ຂອງ​ການ​ເບິ່ງ­ແຍງ​ຊັບ​ສິນ ກໍ​ສາ­ມາດ​ຕິດ­ຕໍ່​ມາ​ໄດ້ ຫຼື ຖ້າ​ສະ­ດວກ ກໍ​ມາ​ໄດ້​ຊຶ່ງ​ບໍ­ລິ­ສັດ​ຕັ້ງ​ຢູ່​ບ້ານ​ສີ​ສະ­ຫວາດ, ຖະ­ໜົນ ສາຍ​ລົມ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ, ເພາະ​ບໍ­ລິ­ສັດ​ມີ​ກ້ອງ​ວົງ​ຈອນ​ປິດ​ຄົບ​ວົງ​ຈອນ ແລະ​ລະ­ບົບ​ຄວາມ​ປອດ​ໄພ​ທຸກ​ຊະ­ນິດ​ໄວ້​ໃຫ້​ບໍ­ລິ­ການ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກໍລະກົດ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
ໄປເທິງສຸດ