ຄຳພອນໄຊ ຄຳໄດ້ມາດຕະຖານບໍລິການຈາກໃຈ ອອກແບບທັນສະໄໝ

     ເຄື່ອງ​ປະ­ດັບ​ໃນ​ຍຸກ​ປະ­ຈຸ​ບັນ​ນີ້​ລ້ວນ​ແລ້ວແຕ່​ມີ​ຫຼາກ​ຫຼາຍ​ປະ­ເພດ​ໃຫ້​ເລືອກ​ໃຊ້​ເຊັ່ນ:  ເງິນ, ຄຳ, ເພັດ, ພອຍ, ມຸກ... ຊຶ່ງ​ໃນ​ປະ­ຈຸ​ບັນ​ນິ­ຍົມ​ໃຊ້​ອອກ ງານ​ກໍ​ຈະ​ແມ່ນ​ປະ­ເພດ​ຄຳ​ທີ່

​ສ່ວນ​ຫຼາຍ​ນິ­ຍົມ​ເອົາ​ມາ​ປະ­ດັບ​ເອ້​ຢ້ອງ​ເພື່ອ​ເພີ່ມ​ລາ­ສີ ແລະ​ຄວາມ​ສວຍ​ສົດ ງົດ​ງາມ​ໃຫ້​ແກ່​ຕົນ​ເອງ, ເວົ້າ​ເຖິງ​ຄຳ​ທີ່­ຢູ່​ຕາມ​ຫ້າງ ຮ້ານ​ກໍ​ມີ​ຫຼາຍ​ຮ້ານ​ທີ່​ມີ​ລວ­ດລາຍ​ທີ່​ສວຍ​ງາມ​ແລ້ວ­ແຕ່​ຕາມ­ໃຈ​ມັກ, ແຕ່​ຖ້າ​ທ່ານ​ໃດ​ທີ່​ກຳ­ລັງ​ຕັດ­ສິນ​ໃຈ​ບໍ່​ໄດ້​ວ່າ​ຈະ​ໄປ​ຊື້​ຄຳ​ແຕ່​ຍັງ​ຕັດ­ສິນ​ໃຈ​ບໍ່​ໄດ້​ຂໍ​ແນະ­ນຳ​ຮ້ານ​ຄຳ​ພອນ​ໄຊ.

      ທ່ານ ສັນ­ຕິ​ສຸກ ລິດ​ດາ​ວົງ ເຈົ້າ​ຂອງ​ຮ້ານ​ຄຳ ພອນ​ໄຊ ໃຫ້​ສຳ­ພາດ​ກັບ​ທີມ​ຂ່າວ​ໜັງ­ສື­ພິມ​ເສດ­ຖະ­ກິດ-ສັງ­ຄົມ ເມື່ອ​ບໍ່​ດົນ​ມາ​ນີ້​ວ່າ: ເລີ່ມ​ເປີດ​ຮ້ານ​ມາ ແຕ່​ປີ 2011, ແຕ່​ກ່ອນ​ແມ່ນ​ເປີດ​ຢູ່​ຕະ­ຫຼາດ​ຊ໊ອບ​ປິ້ງ​ມໍ​ຊັ້ນ 2 ແຕ່​ຍ້ອນ​ສະ­ຖານ­ທີ່​ບໍ່​ອຳ­ນວຍ​ຄວາມ​ສະ ດວກ​ໃຫ້​ແກ່​ລູກ​ຄ້າ​ບໍ່​ທັນ​ຕອບ​ສະ­ໜອງ​ຄວາມ​ຕ້ອງ­ການ​ໃຫ້​ແກ່​ລູກ​ຄ້າ​ໄດ້​ຢ່າງ​ທົ່ວ​ເຖິງ​ເທົ່າ​ທີ່​ຄວນ,  ຍ້ອນ​ແນວ​ນັ້ນ​ຈິ່ງ​ຍ້າຍ​ມາ​ເປີດ​ຢູ່​ວຽງ​ຈັນ​ເຊັນ​ເຕີ​ຊັ້ນ 2,  ຫຼັງ​ຈາກ​ທີ່​ຍ້າຍ​ມາ​ແລ້ວ​ການ​ຕອບ​ຮັບ​ຂອງ​ລູກ​ຄ້າ ກໍ​ຄ່ອຍໆ​ດີ​ຂຶ້ນ​ເລື້ອຍໆ​ຍ້ອນ​ສະ­ຖານ­ທີ່​ຈອດ​ລົດ​ອຳ­ນວຍ​ຄວາມ​ສະ­ດວກ, ມີ​ທັງ​ຫ້ອງ​ນ້ຳ​ທີ່​ສະ­ອາດ, ສາ­ມາດ​ຮອງ​ຮັບ​ລູກ​ຄ້າ​ທີ່​ເຂົ້າ​ມາ​ຈັບ​ຊື້​ໄດ້​ຢ່າງ​ສະ­ດວກ​ສະ­ບາຍ ແລະ​ຮ້ານ​ກໍ​ກວ້າງ ຂວາງ​ສາ­ມາດ​ຕອບ​ໂຈດ​ໃຫ້​ລູກ​ຄ້າ​ທີ່​ເຂົ້າ ມາ​ຊື້​ໄດ້​ຢ່າງ​ສະ­ບາຍ​ໃຈ.

     ພາຍ​ໃນ​ຮ້ານ​ປະ­ກອບ​ມີ​ເຄື່ອງ ປະ­ດັບ​ຄຳ​ເປັນ​ຊຸດ, ມີ​ສາຍ­ແອວ ທອງ​ນາກ, ຄຳ​ຝຣັ່ງ, ຄຳ​ອີ​ຕາ​ລີ, ຄຳ 9999, ສາຍ​ແຂນ, ແຫວນ, ສາຍ​ຄໍ, ຕຸ້ມ­ຫູ ທຸກ​ປະ­ເພດ​ມີ​ທຸກ​ຂະ­ໜາດ, ພິ­ເສດ​ຖ້າ​ທ່ານ​ໃດ​ຊື້​ຄຳ​ຝຣັ່ງ ຫຼື ຄຳ​ອີ​ຕາ​ລີ ຮັບ​ສ່ວນ​ຫຼຸດ​ໄປ​ເລີຍ 10%, ນອກ​ນັ້ນ​ພາຍ​ໃນ​ຮ້ານ​ຍັງ​ມີ​ຂອງ​ແຖມ​ຫຼາກ​ຫຼາຍ​ໃຫ້​ແກ່​ລູກ​ຄ້າ​ທີ່​ເຂົ້າ​ມາ​ຊື້​ຄຳ​ໃນ​ຮ້ານ​ອີກ​ເຊັ່ນ: ກະ­ຕິກ​ນ້ຳ­ກ້ອນ, ເຕົາ­ລີດ, ໝໍ້​ຫຸງ​ເຂົ້າ, ໝໍ້​ສຸ​ກີ້, ຄັນ­ຮົ່ມ, ຈອກ...  ແລະ​ທ່ານ​ໃດ​ທີ່​ຊື້​ໄປ​ແລ້ວ​ຢາກ​ປ່ຽນ​ລວ­ດລາຍ​ໃໝ່​ສາ­ມາດ​ກັບ ມາ​ປ່ຽນ​ຄືນ​ໄດ້​ພາຍ​ໃນ 1 ອາ­ທິດ(ປ່ຽນ​ຟີ), ພາຍ​ໃນ​ຮ້ານ​ຍັງ​ມີ​ທັງ​ການ​ຊື້​ສົ່ງ-ຂາຍ​ສົ່ງ​ຮັບ­ປະ­ກັນ​ຄຸນ​ນະ​ພາບ ແລະ​ນ້ຳ­ໜັກ​ເຕັມ​ແນ່­ນອນ.

     ທ່ານ ສັນ­ຕິ​ສຸກ ລິດ​ດາ​ລົງ ຍັງ​ກ່າວ​ຕື່ມ​ອີ​ກວ່າ: ໃນ​ການ​ສ້າງ​ທຸ­ລະ​ກິດ​ຕ້ອງ​ໃສ່­ໃຈ​ໃນ​ການ​ບໍ­ລິ­ການ​ແກ່​ລູ​ຄ້າ ເປັນ​ຫຼັກ, ໃສ່­ໃຈ​ໃນ​ລາ­ຄາ​ທີ່​ປັບ​ຂຶ້ນ-ລົງ, ມີ​ນ້ຳ­ໜັກ​ເຕັມ​ໄດ້​ທັງ​ຄຸນ​ນະ​ພາບ ແລະ​ປະ­ລິ­ມານ, ສ່ວນ​ລວ­ດລາຍ​ທີ່​ປະ­ດິດ​ອອກ​ມາ​ແມ່ນ​ຈະ​ຄົ້ນ​ຄິດ ແລະ​ປະ­ສານ​ສົມ­ທົບ​ກັບ​ຊ່າງ​ໃນ​ການ​ຕີ​ລວ­ດລາຍ​ອອກ​ມາ​ຕາມ​ທີ່​ລູກ​ຄ້າ​ຕ້ອງ­ການ ແລະ​ນິ­ຍົມ, ດັ່ງ­ນັ້ນ​ຈິ່ງ​ມີ​ຄຳ​ຂັວນ​ທີ່​ວ່າ: ຄຳ​ໄດ້​ມາດ­ຕະ­ຖານ, ບໍ­ລິ­ການ​ຈາກ​ໃຈ, ອອກ​ແບບ​ທັນ​ສະ­ໄໝ, ທຸກ​ຄົນ​ເປັນ​ເຈົ້າ​ຂອງ​ໄດ້ ນີ້​ແມ່ນ​ຄຳ​ຂວັນ​ຂອງ​ຮ້ານ​ຄຳ​ພອນ​ໄຊ.

       ສຳ­ລັບ​ລູກ​ຄ້າ​ທ່ານ​ໃດ​ສົນ­ໃຈ​ສາ­ມາດ​ໄປ​ຊື້​ໄດ້​ທີ່​ຮ້ານ​ຄຳ​ພອນ​ໄຊ ວຽງ​ຈັນ​ເຊັນ​ເຕີ ຊັ້ນ 2 ນະ­ຄອນ­ຫຼວງ ວຽງ​ຈັນ.

ຄະແນນລາຍການນີ້
(1 Vote)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພະຈິກ 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
ໄປເທິງສຸດ