ບໍລິການຕັດຜົມສ້າງລາຍໄດ້ໃຫ້ຄອບຄົວຢ່າງໜັ້ນຄົງ

      ສັງຄົມປະຈຸບັນມີການພັດທະນາຢ່າງໄວວາ ແລະມີຄວາມທັນສະໄໝຂຶ້ນໄປເລື້ອຍໆບໍ່ວ່າຈະເປັນການພັດທະນາດ້ານສີໄມ້ລາຍມື, ດ້ານການຕັດຫຍິບ, ຈັກສານການນຳໃຊ້

ເຄື່ອງມືທີ່ທັນສະໄໝ ແລະອື່ນໆລ້ວນແລ້ວແຕ່ເປັນຍຸດທະສາດແຫ່ງການພັດທະນາ. ໄດ້ປະກອບອາຊີບທີ່ຫຼາກຫຼາຍ ເພື່ອສ້າງລາຍໄດ້ໃຫ້ກັບຄອບຄົວ ຂອງຕົນມື້ນີ້ຜູ້ຂຽນຂໍສະເໜີບຸກ ຄົນ ທີ່ມີຄວາມດີເດັ່ນ, ມີຄວາມ ຫ້າວຫັນ ແລະມີໃຈມັກຮັກໃນອາ ຊີບທີ່ຕົນໄດ້ດຳເນີນມາ 12 ປີກັບ ອາຊີບບໍລິການຕັດຜົມ.

     ບ່າວງ່າມອາຍຸ 38 ປີຢູ່ບ້ານນາເຫຼັກ ເມືອງ ແລະແຂວງສາລະວັນ  ປະກອບອາຊີບດ້ວຍການບໍລິການຕັດຜົມມາເປັນເວລາ 12 ປີກວ່າແລ້ວລາວເວົ້າວ່າ: ອາຊີບຊ່າງຕັດຜົມນີ້ ເປັນອາຊີບທີ່ໃຈຕົນເອງ ມັກ-ຮັກຕັ້ງແຕ່ຍັງເຍົາໄວຄິດໄວ້ ວ່າຈະຕ້ອງພັດທະນາສີມືໃນດ້ານ ການເປັນຊ່າງຕັດຜົມໃຫ້ດີທີ່ສຸດ ແລະສຸດທ້າຍກໍສາມາດເຮັດໄດ້ຊຶ່ງສ້າງລາຍຮັບໃຫ້ຄອບຄົວໄດ້ ຢ່າງເພິ່ງພໍໃຈໂດຍໄດ້ຍຶດຖືອາຊີບ ນີ້ເປັນຫຼັກມາແຕ່ປີ 2004. ການ ບໍລິການຕັດຜົມໃຫ້ຜູ້ມາໃຊ້ບໍລິການເຫັນວ່າເພີ່ມຂຶ້ນໃນແຕ່ລະວັນ, ມີທັງເດັກນ້ອຍ ແລະຜູ້ໃຫຍ່ ໃນໄລຍະເລີ່ມຕົ້ນເຮັດອາຊີບນີ້ມື້ ໜຶ່ງມີພຽງຜູ້ບໍລິການ 5–8 ຄົນ ເທົ່ານັ້ນ, ຍ້ອນບໍລິການດີຖືກໃຈກັບລູກຄ້າໄດ້ມີຜູ້ມາໃຊ້ບໍລິການເພີ່ມຂຶ້ນຢູ່ເລື້ອຍໆ. ປະຈຸບັນນີ້ມື້ໜຶ່ງກໍສາມາດຕັດຜົມໄດ້ 25–30 ຄົນຄ່າບໍລິການຕັດຜົມຜູ້ໃຫຍ່ 15 ພັນກີບ, ໄວໜຸ່ມ-ເຍົາວະຊົນ 10 ພັນກີບ, ເດັກນ້ອຍ 7 ພັນກີບ ແລະ ບໍລິການແຖໜວດ 5 ພັນກີບ. ຈາກການປະກອບອາຊີບດັ່ງກ່າວສາ ມາດທ້ອນໂຮມເງີນເພື່ອພັດທະ ນາຄອບຄົວຂອງຕົນເອງສ້າງ ເຮືອນຢູ່ຖາວອນ, ມີພາຫະນະຮັບ ໃຊ້ ແລະມີເງິນສົ່ງເສີມລູກຮຽນ ທັງໝົດ 3 ຄົນ. ຊຶ່ງຄອບຄົວຂອງບ່າວງ່າມມີສະມາຊິກທັງໝົດ 5 ຄົນ, ຍິງ 3 ຄົນ. ນອກຈາກນີ້ ຮ້ານບ່າວງ່າມກໍເຮັດບໍລິການ ເສີມສວຍ, ສະຜົມ-ຍ້ອມຜົມ ເພື່ອຊ່ວຍເຫຼືອເຊິ່ງກັນ ແລະກັນ  ໂດຍແມ່ນຜູ້ເປັນພັນລະຍາ (ເມຍ) ມີຄວາມຊຳນານໃນດ້ານນີ້ ເພື່ອ ຊອກລາຍໄດ້ຊ່ວຍກັນ. ປະກອບ ອາຊີບດ້ວຍການສູ້ຊົນ, ອົດທົນ ແລະຂະຫຍັນໝັ່ນພຽນເຮັດໃຫ້ຊີວິດການເປັນຢູ່ດີຂື້ນເລື້ອຍໆ ແລະ ສາມາດຫຼຸດພົ້ນອອກຈາກຄວາມ ທຸກຍາກໄດ້ຢ່າງສິ້ນເຊີງ. ລາຍ ໄດ້ປະມານ 3 ລ້ານກີບຕໍ່ເດືອນ (ອີງຕາມຜູ້ມາໃຊ້ບໍລິການ) ໂດຍ ສະເພາະປີໜຶ່ງມີລາຍໄດ້ທັງໝົດ ເກືອບ 20 ລ້ານ.

     ບ່າວງ່າມຍັງໃຫ້ຮູ້ອີກວ່າ: ການດຳລົງຊີວິດປະຈຸບັນນີ້ດີຂື້ນ ແລະພັດທະນາໄປເລື້ອຍໆກໍຍ້ອນວ່າມີແນວທາງນະໂຍບາຍຕ່າງໆຂອງພັກ-ລັດທີ່ໄດ້ອຳນວຍຄວາມສະດວກສ້າງເງື່ອນໄຂຫຼາຍດ້ານ ໃນການປະກອບອາຊີບເປັນຊ່າງ ຕັດຜົມເຮັດໃຫ້ມີວຽກເຮັດງານທຳ, ມີລາຍໄດ້ພັດທະນາຄອບຄົວ ແລະສ້າງຄວາມສິວິໄລຕໍ່ບ້ານ ເມືອງກໍຄືຄອບຄົວຂອງຕົນເອງໄດ້ກ້າວອອກຈາກຄວາມທຸກຍາກ ໄດ້ເທື່ອລະກ້າວ.

     ສຳລັບໃນຕໍ່ໜ້າທາງຮ້ານບ່າວງ່າມມີແຜນຈະປັບປຸງຮ້ານໃຫ້ໃຫຍ່ ແລະກວ້າງຂວາງສາ ມາດຮອງຮັບຜູ້ມາບໍລິການໃຫ້ທົ່ວເຖິງ, ຕິດຕັ້ງເຄື່ອງປັບອາກາດ ແລະຊ່າງຕັດຜົມເຂົ້າມາເພີ່ມ ເພື່ອ ບໍລິການໃຫ້ວ່ອງໄວ, ທັນເວລາ ແລະຮັບປະກັນຊົງງາມອີກດ້ວຍ. ພ້ອມນີ້ກໍຈະສ້າງສິ່ງອຳນວຍຄວາມ ສະດວກໃຫ້ແກ່ລູກຄ້າດ້ວຍການ ບໍລິການຕາມຄວາມເໝາະສົມ ເຊັ່ນ: ຜູ້ມາໃຊ້ບໍລິການສາມາດ ແນມເຫັນຊົງຜົມທັງສອງດ້ານ, ຕິດຕັ້ງໂທລະທັດ, ບໍລິການເຄື່ອງ ດື່ມປະເພດບໍລິໂພກຕ່າງໆ ແລະ ມີປ້າຍຊີ້ບອກຮ້ານ,  ຄ່າບໍລິການ ຕັດຜົມ, ສະຜົມ ແລະແຖໜວດ. ເນື່ອງຈາກລູກຄ້າມີຫຼາຍປະເພດ ຫຼາຍໄວ ຊຶ່ງມີທັງພະນັກງານ, ປະຊາຊົນທົ່ວໄປ ແລະເດັກນ້ອຍໄດ້ບໍລິການຕາມສັ່ງຂອງລູກຄ້າໂດຍສະເພາະໄວໜຸ່ມ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ໄປເທິງສຸດ