ຮ້ານອາຫານໄວຫວານສະຖານທີ່ພັກຜ່ອນຄວາມສຸກ

      ຫຼາຍ​ຄົນ​ອາດ​ມີ​ໂອ­ກາດ​ໄດ້​ສະ­ຫຼອງ ແລະ​ພົບ​ປະ​ສ້າງ­ສັນ​ກັບ​ໜູ່​ເພື່ອນແລະ​ຄົງ​ກຳ­ລັງ​ຊອກ​ຫາ​ສະ­ຖານ​ທີ​ເຕີມ​ຄວາມ­ສຸກໃຫ້​ກັບ​ຕົນ​ເອງ, ຄອບ­ຄົວ

ແລະ​ເພື່ອນ​ມິດ​ສະ­ຫາຍ​ໄປ​ພັກ­ຜ່ອນ​ມື້­ນີ້​ຂໍ​ນຳ​ສະ­ເໜີ​ຮ້ານ​ອາ­ຫານ​ທີ່​ສະ­ອາດ​ບັນ­ຍາ­ກາດ​ດີ​ທີ່​ຈະ​ເຮັດ​ໃຫ້​ມື້​ສະ­ຫຼອງ​ຂອງ​ທ່ານ​ຄອບ­ຄົວ ແລະ​ເພື່ອນ ມິດ​ສະ­ຫາຍ​ເປັນ​ພາບ​ແຫ່ງ​ຄວາມ​ປະ​ທັບ​ໃຈ​ທີ່​ພິ­ເສດ​ນັ້ນ​ກໍ ຄື​ຮ້ານ​ອາ­ຫານ​ໄວ​ຫວານ.

     ເມື່ອ​ຫວ່າງ​ບໍ່​ດົນ​ມາ​ນີ້ ທ່ານ ແກ້ວ ພາ­ນິດ​ຈະ­ເລີນ ເຈົ້າ​ຂອງ​ຮ້ານ​ອາ­ຫານ​ໄວ​ຫວານ ແລະ​ຮ້ານ​ບັນ­ເທີງ​ຮາດ​ບີດ ໄດ້​ໃຫ້​ສຳ­ພາດ​ທີມ​ງານ​ໜັງ­ສື­ພິມ​ເສດ­ຖະ­ກິດ-ສັງ­ຄົມ ວ່າ: ທັງ​ຮ້ານ​ອາ­ຫານ ແລະ​ຮ້ານ​ບັນ­ເທີງ​ຮາດ​ບີດ​ໄດ້​ເປີດ​ບໍ­ລິ­ການ​ມາ​ແຕ່​ປີ 2010 ຕົນ​ເປັນ​ຜູ້​ອອກ​ແບບ​ເອງ​ທັງ​ໝົດ ເພາະ​ທຸກ​ມູນ​ເວ­ລາ​ໄດ້​ນັ່ງ​ແລ້ວ​ຕ້ອງ​ຮູ້­ສຶກ​ໄດ້​ເຖິງ​ຄວາມ​ສະ­ບາຍ​ອົກ​ສະ­ບາຍ​ໃຈ​ທີ່​ສຳ­ຄັນ​ໄປ​ກ່ວ​າ​ນັ້ນ​ກໍ​ຄື​ອາ­ຫານ​ແຊບ​ທຸກ​ຢ່າງ ທຸກ​ລາຍ­ການ ເປັນ­ຕົ້ນ​ແມ່ນ: ຜັດ​ຫອຍ​ສະ​ວິດ, ກ້ອຍ​ປາ, ຜັດ​ເຜັດ​ກົບ ແລະ​ອື່ນໆ​ອີກ​ຫຼາຍ​ເມ​ນູ ຊຶ່ງ​ທາງ​ຮ້ານ​ມີ​ຫຼາຍ​ກ່ວ​າ​ຮ້ອຍ​ເມ​ນູ​ໄວ້​ໃຫ້​ລູກ​ຄ້າ​ມາ​ໃຊ້​ບໍ­ລິ­ການ ແລະ​ແມ່­ຄົວ​ກໍ​ມີ​ປະ­ສົບ​ປະ­ການ​ຫຼາຍ​ກວ່າ 20 ປີ​ນຳ​ອີກ.

    ຮ້ານ​ອາ­ຫານ​ໄວ​ຫວານ​ແມ່ນ​ມີ 3 ຊັ້ນ​ຄື: ຊັ້ນ​ທຳ​ອິດ​ແມ່ນ​ເປັນ​ເດີ່ນ​ທີ່​ສາ­ມາດ​ນັ່ງ​ໄດ້​ສະ­ດວກ ເພາະ​ສາ­ມາດ​ຮອງ​ຮັບ­ແຂກ​ໄດ້​ເຖິງ 200 ກວ່າ​ຄົນ ທີ່​ມີ​ເວ­ທີ​ສະ­ແດງ​ຄອນ­ເສີດ​ໃນ​ແຕ່​ລະ​ຄ່ຳ ຄືນ​ຊັ້ນ 2 ແມ່ນ​ບ່ອນ​ທີ່​ເອົາ­ໃຈ​ລູກ​ຄ້າ​ທີ່​ມັກ​ບັນ­ຍາ­ກາດ​ທີ່​ມີ​ສາຍ​ລົມ​ພັດ​ຜ່ານ​ໄປ​ມາ​ອາ­ກາດ​ດີ​ສ່ວນ­ວ່າ​ຊັ້ນ 3 ນັ້ນ ເປັນ​ຫ້ອງ​ຄາ​ລະ​ໂອ​ເກະ​ທີ່​ມີ​ໄວ້​ເອົາ­ໃຈ​ຜູ້​ທີ່​ມັກ​ຄວາມ​ເປັນ​ສ່ວນ​ຕົວ ແລະ​ມັກ​ຮ້ອງ­ເພງ​ເປັນ​ໝູ່​ຄະ­ນະ.

     ສ່ວນ­ວ່າ​ເລື່ອງ​ສະ­ຖານ­ທີ່​ບ່ອນ​ຈອດ​ລົດ​ກໍ​ແສນ​ທີ່​ຈະ​ສະ­ດວກ​ສະ­ບາຍ ສະ­ເພາະ​ລົດ​ໃຫຍ່​ກໍ​ສາ­ມາດ​ຮັບ​ໄດ້​ນັບ​ຮ້ອຍ​ຄັນ​ທັງ​ຕິດ ກັບ​ຮ້ານ​ບັນ­ເທີງ​ຮາດ​ບີດ​ນຳ​ອີກ ຊຶ່ງ​ສາ­ມາດ​ຮັບ​ລູກ​ຄ້າ​ໄດ້​ປະ­ມານ ພັນ​ກ່ວ​າ​ຄົນ​ດ້ວຍ​ກັນ ນອກ­ຈາກ ນັ້ນ ທ່ານ ແກ້ວ ພາ­ນິດ​ຈະ­ເລີນ ຍັງ​ໄດ້​ບອກ​ຕື່ມ​ອີ​ກວ່າ: ໃນ​ແຕ່​ລະ​ເດືອນ​ທາງ​ຮ້ານ​ຍັງ​ມີ​ກິດ­ຈະ­ກຳ​ທີ່​ເຊີນ​ນັກ​ຮ້ອງ​ຊື່​ດັງ​ຈາກ​ຫຼາຍ​ຄ້າຍ​ມາ 2 ຄັ້ງ​ຕໍ່​ເດືອນ​ອີກ​ດ້ວຍ.

    ໂອ­ກາດ​ນີ້​ທ່ານ ແກ້ວ ພາ­ນິດ ຈະ­ເລີນ ຍັງ​ຝາກ​ເຖິງ​ລູກ​ຄ້າ​ຜູ້​ທີ່ ສົນ­ໃຈ​ຫາກ​ຕ້ອງ­ການ​ຢາກ​ລອງ​ປ່ຽນ​ບັນ­ຍາ­ກາດ​ຢູ່​ໃນ​ຕົວ​ເມືອງ​ທີ່​ສັບ­ສົນ​ວຸ້ນ­ວາຍ ກໍ​ສາ­ມາດ​ມາ​ກັນ ໄດ້​ຮັບ­ຮອງ​ວ່າ​ຈະ​ບໍ່​ຜິດ​ຫວັງ​ຢ່າງ ແນ່­ນອນ​ຮ້ານ​ແມ່ນ​ເປີດ​ທຸກໆ​ມື້​ຕັ້ງ­ແຕ່​ເວ­ລາ 12:00-22:30 ໂດຍ​ຮ້ານ​ຂອງ​ເພິ່ນ​ຕັ້ງ​ຢູ່​ບ້ານ​ນາ​ທົ່ມ  ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ໂທລະ­ສັບ 020 58785666, 0309773003.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພະຈິກ 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
ໄປເທິງສຸດ