ສະຖາບັນການເງິນຈຸລະພາກບໍ່ຮັບເງິນຝາກວິລະບູລີແດນຄຳ ຂະຫຍາຍທະນາຄານໄດ້ 48 ບ້ານ

     ເມື່ອບໍ່ດົນມານີ້ ສະຖາບັນການເງິນຈຸລະພາກບໍ່ຮັບເງິນຝາກວິລະບູລີແດນຄໍາ ໄດ້ຈັດກອງປະຊຸມສະຫຼຸບວຽກງານການເຄື່ອນ ໄຫວຄວາມຄືບໜ້າໃນການດຳເນີນທຸລະກິດປະຈຳປີ 2016 ແລະວາງທິດທາງແຜນທຸລະກິດ 3 ປີຕໍ່ໜ້າ (2017-2019) ຂຶ້ນທີ່ສະໂມສອນຂອງເມືອງວິລະບູລີ ແຂວງສະຫວັນນະເຂດ

ໂດຍການເຂົ້າຮ່ວມຂອງທ່ານ ບົວສອນ ມະຫາວົງ ເຈົ້າເມືອງວິລະບູລີ, ມີບັນດາຫົວໜ້າ-ຮອງສະຖາບັນການເງິນ, ຂະແໜງການ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

     ສະຖາບັນການເງິນຈຸລະພາກ ທີ່ບໍ່ຮັບເງິນຝາກວິລະບູລີແດນຄຳ ໄດ້ຮັບໃບອະນຸຍາດດຳເນີນທຸລະກິດຈາກທະນາຄານແຫ່ງ ສປປ ລາວ ສະບັບເລກທີ 01/ທຫລ.ສຂ ລົງວັນທີ 15 ກຸມພາ 2013, ປະຈຸບັນມີຫ້ອງການຕັ້ງຢູ່ບ້ານບຸ່ງຄຳ ເມືອງວິລະບູລີ ແຂວງສະຫວັນນະເຂດ ໂດຍໄດ້ໂຮມຕົວກັບເມືອງພີນ ແລະເມືອງເຊໂປນ. ສຳລັບການຈັດຕັ້ງປະຕິບັດຂອງສະຖາບັນພາຍໃນເມືອງວິລະບູສາມາດຂະຫຍາຍທະນາຄານບ້ານໄດ້ 48 ບ້ານ, ມີກໍາໄລປັນຜົນປະ ຈໍາປີທັງໝົດ 1,5 ຕື້ກີບ, ໃນນັ້ນ 70% ແມ່ນຖືກແບ່ງໃຫ້ກັບສະມາຊິກຂອງທະນາຄານບ້ານ.

     ປະຈຸບັນ ສະຖາບັນການເງິນຈຸລະພາກທີ່ບໍ່ຮັບເງິນຝາກວິລະບູລີແດນຄຳໄດ້ມີ 2 ຜະລິດຕະພັນຄື: ສິນເຊື່ອມອບເໝົາ ແລະສິນເຊື່ອລາຍຍ່ອຍ. ສຳລັບສິນເຊື່ອ ມອບເໝົາທາງສະຖາບັນແມ່ນໄດ້ມີການປ່ອຍກູ້ 33 ທະນາຄານ ບ້ານເປັນເງິນ 961 ລ້ານກວ່າກີບ, ຜ່ານການຈັດຕັ້ງປະຕິບັດໄດ້ ຮັບເງິນຊໍາລະຄືນຈາກທະນາຄານ
ບ້ານ 874 ລ້ານກວ່າກີບ, ຮັບເງິນດອກເບ້ຍມອບເໝົາ 102 ລ້ານກວ່າກີບ. ສ່ວນທາງດ້ານສິນເຊື່ອ ລາຍຍ່ອຍທາງສະຖາບັນແມ່ນໄດ້ມີການປ່ອຍກູ້ 18 ລູກຄ້າເປັນເງິນ 357 ລ້ານກ່ວາກີບ, ເກັບເງິນຊໍາລະຄືນ 496 ລ້ານກ່ວາກີບ ແລະໄດ້ຮັບເງິນດອກເບ້ຍ 108 ລ້ານກວ່າກີບ.

     ນອກຈາກນັ້ນ ກອງປະຊຸມຍັງໄດ້ມີການປຶກສາຫາລືບັນຫາຕ່າງໆ ແລະລົງມະຕິຮັບຮອງເອົາບົດລາຍງານການດຳເນີນທຸລະກິດການກວດສອບພາຍໃນປີ 2016 ແລະແຜນທຸລະກິດໃນ 3 ປີຕໍ່ໜ້າ (2017-2019) ຂອງສະຖາບັນ ແລະຮັບຮອງເອົາບໍລິສັດກວດສອບພາຍນອກ ພ້ອມທັງງົບປະມານຈັດຈ້າງ ນອກນີ້ຍັງໄດ້ມີການປ່ອນບັດຄັດເລືອກເອົາຄະນະສະພາບໍລິຫານປ່ຽນແທນສະມາຊິກສະພາບໍລິຫານທີ່ໝົດວາລະໃນການປະ ຕິບັດໜ້າທີ່ມີການມອບລາງວັນໃຫ້ແກ່ພະນັກດີເດັ່ນຕື່ມອີກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
ໄປເທິງສຸດ