ທະນາຄານນະໂຍບາຍທີ່ເມືອງໂພນທອງປ່ອຍສິນເຊື່ອ ໄດ້ເກືອບ6 ຕື້ກີບ

   ທະນາຄານນະໂຍບາຍໜ່ວຍບໍລິການເມືອງໂພນທອງ ແຂວງຫຼວງພະບາງໄດ້ເຮັດໜ້າທີ່ບໍລິການປ່ອຍ ສິນເຊື່ອໃຫ້ປະຊາຊົນມີຕົ້ນທຶນໄປນຳໃຊ້ເຂົ້າໃນການຜະລິດມາຮອດປະຈຸບັນໄດ້ປ່ອນເງິນແລ້ວທັງໝົດ ເກືອບ 6 ຕື້ກີບແລ້ວ, ໃນນັ້ນສ່ວນໃຫຍ່ແມ່ນປ່ອຍໃຫ້ຂະແໜງກະສິ ກໍາກວມ 93,88%.

 

   ທ່ານ ສອນເພັດ ພູມມະນີ ຫົວໜ້າທະນາຄານນະໂຍບາຍໜ່ວຍບໍລິການເມືອງໂພນທອງໃຫ້ສໍາພາດຕໍ່ທີມຂ່າວໜັງສືພີມເສດຖະກິດ-ສັງ ຄົມປະຈໍາແຂວງຫຼວງພະບາງວ່າງບໍ່ດົນນີ້ຮູ້ວ່າ: ໜ່ວຍບໍລິການເມືອງ ໂພນທອງໄດ້ສ້າງຕັ້ງຂຶ້ນໃນວັນທີ  7 ກັນຍາ 2012 ເພື່ອອໍານວຍ ຄວາມສະດວກດ້ານສິນເຊື່ອດອກ ເບ້ຍນະໂຍບາຍໃຫ້ແກ່ປະຊາຊົນໄດ້ຊົມໃຊ້ປະຈຸບັນທາງໜ່ວຍບໍລິການ ມີຍອດສິນເຊື່ອທັງໝົດ 16,7 ຕື້ ກວ່າກີບ, ໄດ້ປ່ອຍສິນເຊື່ອໄປທັງ ໝົດ 5,9 ຕື້ກວ່າກີບ, ສໍາລັບການ ປ່ອຍສິນເຊື່ອທາງທະນາຄານໄດ້ແບ່ງອອກເປັນ 3 ໄລຍະຄື: ສິນ ເຊື່ອໄລຍະສັ້ນປ່ອຍ 936 ລ້ານ, ໄລຍະກາງ 90 ລ້ານ ແລະໄລຍະ ຍາວ 4,9 ຕື້ກວ່າກີບ ໃນນັ້ນສ່ວນໃຫຍ່ແມ່ນປ່ອຍໃຫ້ຂະແໜງກະສິກໍາກວມ 93,88%, ຫັດຖະກໍາ 2,19%, ບໍລິການ 2,32% ແລະ ລາຍບຸກຄົນ 2,32%

   ທ່່ານກ່າວຕື່ມວ່າ: ການປ່ອຍສິນເຊື່ອຂອງທະນາຄານມີ 1 ຈຸດ ສຸມ, ກວມເອົາ 30 ບ້ານ, ມີ 154 ກຸ່ມ, 1.086 ຄອບຄົວ, ປະຊາຊົນສ່ວນໃຫຍ່ແມ່ນນໍາທຶນໄປໝູນໃຊ້ ເຂົ້າໃນການຕໍ່າຫູກ, ປູກພືດຜັກ, ປູກສາລີ,ລ້ຽງໄກ່, ລ້ຽງປາ, ລ້ຽງໝູ, ລ້ຽງແບ້, ບຸກເບີກເນື້ອທີ່ນາໃໝ່ ແລະ ສ້າງໂຮງງານນໍ້າດື່ມຈໍານວນໜຶ່ງ.

   ສໍາລັບແຜນການໃນຕໍ່ໜ້າທາງທະນາຄານໜ່ວຍບໍລິການຍັງຈະສືບຕໍ່ປ່ອຍສິນເຊື່ອເພື່ອບໍລິການໃຫ້ກັບປະຊາຊົນຊາວເມືອງໂພນທອງໃນການສະໜອງຕົ້ນທຶນເພື່ອທໍາການຜະລິດ ແລະ ກິດຈະການຕ່າງໆແນໃສ່ເຮັດໃຫ້ປະຊາຊົນມີລາຍຮັບມີຖານະຄວາມເປັນຢູ່ທີ່ດີຂຶ້ນພາຄອບຄົວພົ້ນທຸກໄດ້ໃນອະ ນາຄົດ, ທ່ານ ສອນເພັດ ກ່າວ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກໍລະກົດ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
ໄປເທິງສຸດ