ລ້ຽງງົວເປັນສິນຄ້າສາມາດສ້າງລາຍຮັບເຂົ້າຄອບຄົວ

   ຄອບຄົວ ທ່ານ ຕ໋ວນ ທອງມະນີ ອາຍຸ 50 ປີ ຢູ່ບ້ານ ຮ່ອງແກ ເມືອງເລົ່າງາມ ແຂວງສາລະວັນອາຊີບຕົ້ນຕໍປູກຝັງ ແລະ ລ້ຽງສັດພາຍໃນຄອບຄົວມີສະມາຊິກທັງໝົດ 7 ຄົນມີແຮງງານຕົ້ນຕໍ 2 ຄົນ ແຮງງານສຳ ຮອງ 5 ຄົນ  ເພິ່ນເລົ່າໃຫ້ຟັງວ່າ:

 

   ຕົນເອງກຳເນີດຈາກຄອບຄົວ ຊາວນາຊາວສວນມາແຕ່ກຳເນີດເມື່ອກ່ອນໄດ້ລ້ຽງງົວ ແລະ ເຮັດນາຢູ່ບ້ານໜອງຕາໄກ້ມາຮອດ ປີ 2013 ໄດ້ຍ້າຍມາລ້ຽງງົວຢູ່ ບ້ານຮ່ອງແກ ໂດຍເລີ່ມຈາກງົວ 18 ໂຕສະເພາະແມ່ພັນສຳລັບການ ລ້ຽງກໍບໍ່ມີຄວາມຫຍຸ້ງຍາກເພາະ ລ້ຽງຕາມທຳມະຊາດ ແລະ ປ່ອຍໃສ່ຄັງນາຕົວເອງໃນເນື້ອທີ່ 11 ເຮັກຕາ ມາຮອດປະຈຸບັນນີ້ມີງົວ ທັງໝົດ 96 ໂຕ ແລະ ແຕ່ລະປີໄດ້ ຂາຍ 15 ໂຕໃນລາຄາໂຕໜຶ່ງ 3 ລ້ານກີບ ເປັນເງິນທັງໝົດ 45 ລ້ານ ກວ່າກີບ ສຳລັບການຂາຍແມ່ນ ມີແມ່ຄ້າມາຮັບຊື້ນຳຟາມເລີຍ.

   ນອກຈາກລ້ຽງງົວແລ້ວຍັງ ໄດ້ລ້ຽງປາ, ລ້ຽງແບ້, ລ້ຽງເປັດ, ລ້ຽງໄກ່, ປູກມັນຕົ້ນ 1 ເຮັກຕາ ແລະ ປູກພືດຜັກຕ່າງໆເປັນອາຊີບເສີມສາມາດສ້າງລາຍຮັບຈຳນວນໜຶ່ງ ລວມລາຍຮັບຈາກ ການຂາຍງົວ ແລະ ພືດຜັກຕ່າງໆປີໜຶ່ງສະເລ່ຍລາຍຮັບທັງໝົດ 100 ລ້ານກີບ.

   ເພິ່ນຍັງໄດ້ກ່າວອີກວ່າ: ການລ້ຽງງົວ ແລະ ປູກພືດຜັກຕ່າງໆນີ້ແມ່ນມີລາຍຮັບດີ, ໃຊ້ທຶນໜ້ອຍ ແລະກຳລັງເປັນທີ່ຕ້ອງການຂອງ ທ້ອງຕະຫຼອດ. ດັ່ງນັ້ນຄອບຄົວຈິ່ງຢຶດຖືເອົາການລ້ຽງງົວ ແລະ ປູກພືດເປັນອາຊີບເພື່ອສ້າງລາຍຮັບເຂົ້າຄອບຄົວ. ຜ່ານການເຮັດຕົວຈິງມາໄດ້ 5 ປີ ເຮັດໃຫ້ຊີວິດການເປັນຢູ່ດີຂຶ້ນຊຶ່ງສະແດງອອກ ຄື: ມີເຮືອນຢູ່ແໜ້ນໜາຖາວອນ,ມີເງິນສົ່ງລູກສຶກສາຮໍ່າຮຽນ, ມີລົດໄຖນາໃຫຍ່ 1 ຄັນ, ມີລົດ 6 ລໍ້, ລົດປັ່ນເຂົ້າ, ມີລົດຈັກ 3 ຄັນ ແລະມີເຄື່ອງໃຊ້ຄົວເຮືອນຄົບຊຸດ, ມີເງິນສະສົມໄວ້ໃນເວລາເຈັບເປັນຄອບຄົວມີຄວາມອົບອຸ່ນ ແລະ ເຮັດໃຫ້ຊີວິດການເປັນຢູ່ດີຂຶ້ນເລື້ອຍໆ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
ໄປເທິງສຸດ